«Հաճելի է նվեր ստանալ, երբ չես սպասում, և գիտակցել, որ նույնիսկ այս դժվար պահերին կան մարդիկ, ովքեր չեն մոռացել մեզ». Արցախի մանուկները՝ Ռուսաստանի հայերի միությանը (տեսանյութեր)
Արցախցի հազարավոր երեխաներ՝ Ստեփանակերտի դպրոցների, մանկապարտեզների և մանկատների սաներ, Ռուսաստանի հայերի միության կողմից ամանորի և Սուրբ ծննդյան նվեր են ստացել՝ ուրախ տոնակատարությունների տեսքով, Ձմեռ պապիկի, Ձյունանուշի և սիրված հեքիաթների հերոսների մասնակցությամբ: Բնականաբար, բոլոր երեխաները նաև քաղձրավենիք են նվեր ստացել:
Տոնական միջոցառումների հիմնական հարթակներից մեկը Ստեփանակերտի թից 6 հանրակարթական դպրոցն էր, որը 2014 թվականին կառուցվել է Ռուսաստանի հայերի միության նախագահ Արա Աբրահամյանի միջոցներով:
Երեխաների ընդհանուր տրամադրությունն արտահայտեց դպրոցի աշակերտուհիներից մեկը. «Հաճելի է նվեր ստանալ, երբ չես սպասում, և գիտակցել, որ այս դժվար պահերին, երբ նույնիսկ մանրուքները կարող են տրամադրություն ստեղծել, կան մարդիկ, ովքեր չեն մոռացել մեզ: Շնորհակալ ենք ձեր առատաձեռնության և ուշադրության համար»:
«Մենք ամեն տարի այսպիսի տոնակատարություններ ենք կազմակերպում Արցախի երեխաների համար: Ինչ դժվարությունների էլ հանդիպի Հանրապետությունը, նույնիսկ հիմա՝ Բաքվի ռեժիմի կողմից շրջափակման պայմաններում, երեխաներն իրենց լքված չպետք է զգան: Ամանորի և Սուրբ ծննդյան տոներին նրանք պետք է հավատան հրաշքներին և նվերներ ստանան»,- համոզված է Ռուսաստանի հայերի միության նախագահ Արա Աբրահամյանը:
Ստեղծված ավանդույթի համաձայն՝ այս տարի նույնպես Ռուսաստանի հայերի միության կողմից ամանորյա նվերներ են ստացել նաև Հայաստանի և 2022 թվականին Ռուսաստանին միացած 4 տարածաշրջանների սոցիալական հաստատությունները: Ընդհանուր առմամաբ, ՌՀՄ կողմից ամանորյա նվեր է ստացել ավելի քան 120 հազար մարդ:
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
