Մահացել է քրեական կայսրության պարագլուխը. ո՞վ էր մարդկանց հնձող «Տրակտոր Բինուն»

Newmag-ը գրում է.

Իտալիայի բանտերից մեկում 84 տարեկանում մահացել է «Կոզա Նոստրա» քրեական կայսրության պարագլուխ Բերնարդո Պրովենցիանոն:

Ո՞վ էր «հորեղբայր բինուն»

Իտալական մաֆիան նրա ձեռքում էր 1993 թվականից, երբ այդ պաշտոնում «հորեղբայր Բինուն» կամ ինչպես նրան անվանում էին՝ «հաշվապահ», փոխարինեց Տոտո Ռիինաին: Նա զբաղեցրել էր ոստիկանության ձեռքն ընկած «կնքահայր» Տոտո Ռիինայի տեղը: Պրովենցանոն հայտնի է նաև «Տրակտոր Բինու» մականունով, որը նա ստացել էր մարդկանց անխնա «հնձելու» համար:

43 տարի արդարադատությունից խուսափելուց հետո 2006-ին Պրովենցիանոն հայտնվեց ճաղերի հետևում ամենախիստ պայմաններում` ցմահ ազատազրկման 3 ժամկետով: Ըստ իտալական լրատվամիջոցների, Պրովենցիանոն տառապում էր միզապարկի քաղցկեղից:

Ինչպե՞ս է առաջացել «Կոզա Նոստրա» խմբավորումը

13-րդ դարում Սիցիլիան թալանում էին ոչ միայն ալժիրյան ծովահենները, այլ նաև ֆրանսիական վարձու զինված ջոկատները, որոնք ծառայում էին հյուսիսիտալական դքսերին և կոմսերին: Սիցիլիացիների կազմակերպված զինված պայքարը ֆրանսիացիների դեմ սկսվեց 1282 թ.-ին՝ «Morete alla Francia, Italia anela» ՝ «Մեռի՛ր Ֆրանսիա, շունչ ա՛ռ Իտալիա» կարգախոսով: Սիցիլիացիների կոչի հենց առաջին տառերից էլ կազմավորվեց «մաֆիա» բառը: Շուտով ինքնապաշտպանության խմբավորումները վերածվեցին արհեստավարժ մարտիկների և սկսեցին գյուղացիներից գումար վերցնել՝ արտաքին թշնամիներից նրանց պաշտպանելու համար: 19-րդ դարում միասնական կառույց դարձած մաֆիան նույնիսկ փորձեց անջատել կղզին Իտալիայից, սակայն պարտություն կրեց:

Ամբողջական հոդվածը կարող եք կարդալ այստեղ: