Ռուսական բանակը ծանր կորուստնե՞ր է կրել Մուրադովի պատճառով․ ինչ է բացահայտում 155-րդ բրիգադի նամակը
Փնտրում եք բարձր վարձատրվող աշխատանք՝ սեղմեք ԱՅՍՏԵՂ
Պատերազմի ուսումնասիրման ամերիկյան ինստիտուտի (ISW) վերլուծաբանները հերթական ամփոփագրում նշում են, որ ուկրաինական Պավլովկա բնակավայրի մոտ ռուսական բանակի վիճակը սարսափելի է, եւ դրա վկայությունը ռուս ռազմական բլոգերների անզուսպ քննադատությունն է ՌԴ ՊՆ-ի հասցեին։
Նախօրեին բլոգերները հրապարակել էին ՌԴ ԶՈւ 155-րդ բրիգադի նամակը, որում զինվորականները բողոքում էին իրենց հրամանատարությունից, որն իրենց կույր հարձակման է նետել Պավլովկայում։ Ծովային հետեւակայինները գրել են, որ իրենց «անհասկանալի հարձակման են նետել գեներալ Մուրադովը և նրա հայրենակից Ախմեդովը, որպեսզի Մուրադովը Գերասիմովի առաջ բոնուսներ վաստակի»։ Նրանք հայտնել են նաեւ, որ չորս օրվա ընթացքում կորցրել են «մոտ 300 սպանված, վիրավոր եւ անհետ կորած»։
Նշենք, որ Արցախում ռուսական կոնտինգենտի նախկին հրամանատար Մուրադովը նշանակվել է ՌԴ արեւելյան օկրուգի հրամանատար եւ համակարգում է Ուկրաինայում ռուսական զորքերի Արեւելք խմբավորումը։ Դոնեցկի շրջանի Պավլովկայի մոտ ռուսական բանակի խոշոր ձախողումը լայն արձագանք է ստացել ՌԴ-ում։
Ինչպես հայտնում է International French Radio-ն, նամակում ասվում է, որ միայն Կամչատկայի 155-րդ ծովային բրիգադը չորս օրվա ընթացքում կորցրել է մոտ 300 սպանված, վիրավոր և անհետ կորած, ինչպես նաև տեխնիկայի կեսը Դոնեցկի շրջանի Պավլովկա գյուղի վրա «անհասկանալի հարձակման» ժամանակ։ Դիմումի հեղինակները զինվորական ղեկավարներին մեղադրում են միջակության և մրցանակներ ստանալու համար ռազմական գործողություններ պլանավորելու մեջ։ Տեքստը պարունակում է երկու գեներալների անուններ, որոնց հեղինակները մեղադրում են զինվորների շրջանում հատկապես ծանր կորուստների համար՝ «գեներալ Մուրադովը և նրա հայրենակից Ախմեդովը»։
Հիշեցնենք, որ ավելի վաղ սոցցանցերում տեղեկություններ կային, որ Խաղաղօվկիանոսյան նավատորմի 155-րդ բրիգադի ծովայինները դիմում են ձայնագրել ծովափնյա նահանգապետ Կոժեմյակոյին։ Կոչում խոսվում էր Դոնեցկի Ժողովրդական Հանրապետության Պավլովկայի շրջանում տեղի ունեցած մարտերում մեծ կորուստների մասին։ Այդ կապակցությամբ ծովայինները Պրիմորիեի ղեկավարին խնդրել են կապ հաստատել ՌԴ պաշտպանության նախարարության հետ և կարգավորել իրավիճակը։
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
