ԼԳԲՏ համայնքին վերաբերվող ֆիլմերի և դրանց ցուցադրության շուրջ ծավալված աղմուկի մասին. «Փաստ»
«Փաստ» օրաթերթը գրում է.
Մեր հարցերին պատասխանում է կինոգետ Ռոբերտ Մաթոսյանը
– Պարոն Մաթոսյան, ասում են, որ նաև Դուք եք արգելել,, պարտադրել այն երկու ֆիլմերի ցուցադրությունը «Ոսկե ծիրան» փառատոնի շրջանակներում, որոնք վերաբերվում են ԼԳԲՏ համայնքին: Այդպե՞ս է:
– Ես ո՞վ եմ, որ արգելեմ: Բայց ես իմ քաղաքացիական դիրքորոշումն եմ արտահայտել: Եթե այդպիսի ֆիլմեր կան, ես դեմ եմ դրանց ցուցադրությանը:
– Դրանց պատճառով ամբողջ մի ծրագիր է հանվել ցուցադրությունից. երեսունից ավելի ֆիլմ: Իսկ դա նշանակում է, որ մարդիկ աշխատել են, ստեղծագործել են ու հիմա զրկված են իրենց աշխատանքը ներկայացնելու հնարավորությունից:
– Միանգամայն իրավացի եք: Մյուս ֆիլմերի ցուցադրությունը փառատոնից հանելու կարիքը չկար:
– Իսկ այդ դեպքում ինչո՞ւ հանեցին: Բավարարվեին այդ երկու ֆիլմով:
– Միանգամայն իրավացի եք: Ձեր կարծիքն ու տեսակետը ճիշտ են:
– Իսկ Դուք ո՞նց եք հիմնավորում Ձեր դիրքորոշման արդարացիությունը:
– Ես հիմա հիմնավորել չեմ կարող: Որովհետև երբ ինֆորմացիա ստացա, ընդամենը որպես քաղաքացի ես դեմ եղա նմանատիպ ֆիլմերի ցուցադրությանը: Այդպես էլ ասել եմ:
– Որպես արվեստագետ և՞ս դեմ եք:
– Այո, որպես արվեստագետ էլ եմ դեմ նման ֆիլմերի գոյությանը:
– Դա չի՞ կարելի դիտել արդեն որպես գրաքննություն արվեստի ոլորտում:
– Արվեստի ստեղծման հարցում ես կողմնակից եմ փոքրիկ գրաքննությանը: Դուք կարդացե՞լ եք ԱՄՆ–ի` ազատ այդ երկրի Հեյսիի օրենսգիրքը: Այն ֆիլմերի ատադրության բարոյական օրենսգիրքն է, ըստ էության: Նախատեսում է, որ ամեն ինչ պետք է չափավորված լինի: Ճիշտ է, որոշ չափավորումներ 60–ական թվականներին հանվեցին, բայց Հեյսիի կոդեքսը, կոդավորված, մինչև հիմա գործում է ամերիկյան կինոյում:
– Իսկ արվեստագետի ազատ ստեղծագործելու իրավունքը չի՞ տուժում այս դեպքում:
– Չեմ կարծում, որ արվեստագետի ազատ ստեղծագործելու իրավունքը նման դեպքերում տուժում է: Նա ինչ ցանկանում է` թող անի. իր գործն է: Բայց ինձ չթելադրի իր ֆիլմը:
Ես պրոֆեսիոնալ եմ, և ֆիլմը դիտելուց հետո կարող եմ վերջնականապես իմ կարծիքն ասել:
– Այսինքն` չեք դիտել, բայց դեմ եք:
– Այո: Որովհետև ես այդ թեմայով ֆիլմերին կամ արվեստի այն գործերին, որտեղ արծարծվում է տվյալ թեման, դեմ եմ ընդհանրապես:
– Իսկ Կինոմիությունը և՞ս Ձեզ պես է մտածում:
– Ես Կինոմիության փոխարեն չեմ կարող պատասխանել: Պարզապես ես՝ որպես Կինոմիության անդամներից մեկը, այդպես եմ մտածում:
Շարունակությունը` «Փաստ» օրաթերթի այսօրվա համարում
Какой закон, какие урегулирования, кому они нужны? «Паст»
Односторонняя повестка уступок и политика молчания официального Еревана: «Паст»
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Тонкое искусство «кайфаваться» над народом и все «бросить в карман народа»... «Паст»
Почему власть сама ставит себя в нелепое положение? «Паст»
«Фокус» университета Брюсова: объявление о бесплатных местах в последнюю минуту։ «Паст»
Почему Аветик Чалабян вновь оказался в центре внимания властей? «Паст»
Административный суд признал бездействие полиции незаконным
Когда любая уступка превращается в отправную точку для новых требований: «Паст»
