ԵՄ-ն հայտարարել է առանցքային ոլորտներում Վրաստանի ձախողումների մասին
ԵՄ արտաքին գործերի եւ անվտանգության քաղաքականության գերագույն ներկայացուցիչ Ժոզեպ Բորելը ասել է, որ Վրաստանը շարունակում է բարեփոխումների ճանապարհով գնալ, սակայն ձախողվում է այնպիսի հիմնական ոլորտներում, ինչպիսիք են օրենքի գերակայությունը, կառավարումը եւ մարդու իրավունքները, հաղորդում է «Նովոստի Գրուզիան»։
Բրյուսելը ներկայացրել է ԵՄ-ի հետ Վրաստանի ասոցացման համաձայնագրի կատարման տարեկան զեկույցը, փաստաթուղթ, որը գնահատում է, թե ինչպես է երկիրը հաղթահարում իր պարտավորությունները: Այն կքննարկվի ԵՄ-Վրաստան Ասոցացման խորհրդի նիստում, որը կկայանա սեպտեմբերի 6-ին։ Առայժմ ԵՄ ղեկավարությունը մեկնաբանում է զեկույցը:
Բորելն ընդգծել է, որ Վրաստանի եվրոպական հեռանկարի ճանաչումը պահանջում է «քաղաքացիների նկրտումներին համապատասխանող պետության պատասխանատու եւ բարեխիղճ մոտեցում»:
«Վրաստանը շարունակեց բարեփոխումների ուղին բարդ պայմաններում՝ COVID-19-ից հետո սոցիալ-տնտեսական վերականգնման, լարված քաղաքական իրավիճակի եւ Ուկրաինայի դեմ Ռուսաստանի ագրեսիվ պատերազմի համատեքստում։ Այնուամենայնիվ, մենք հետընթաց ենք տեսնում օրենքի գերակայության, կառավարման եւ մարդու իրավունքների հիմնարար ոլորտներում», - ասել է ԵՄ բարձրաստիճան դիվանագետը:
Ընդլայնման եւ հարեւանության քաղաքականության հարցերով եվրահանձնակատար Օլիվեր Վարհելին նույն կերպ է արտահայտվել: Նա նշել է, որ երկրի եվրոպական հեռանկարը ճանաչելուց հետո «գնդակն այժմ Վրաստանի կողմն է»՝ երկիրը պետք է կատարի Եվրահանձնաժողովի առաջարկությունները՝ ԵՄ թեկնածուի կարգավիճակ ստանալու համար։
«Ժողովրդավարական համախմբման, դատաիրավական բարեփոխումների, օրենքի գերակայության ամրապնդման, կոռուպցիայի ու կազմակերպված հանցավորության դեմ պայքարի լուրջ հանձնառությունը առանցքային կլինի»,- ասել է Վարհելին:
Նա վստահեցրել է, որ Եվրամիությունը «կշարունակի աջակցել այդ առաջնահերթ խնդիրների լուծմանն ուղղված Վրաստանի ջանքերին», ինչպես նաեւ նպաստել երկրի տնտեսական զարգացմանը։
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чтобы ни одна стена не осталась без фотографии Никола Пашиняна: «Паст»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
