Հավերժ թեմա` պայքարում ենք կոռուպցիայի դեմ. «Փաստ»
«Փաստ» օրաթերթը գրում է.
Մեր հյուրն է «Կոռուպցիայի հակազդման ասոցիացիա» հասարակական կազմակերպության նախագահ Ալեքսանդր Ամարյանը
– Պարոն Ամարյան, կոռուպցիայի դեմ պայքարի քաղաքականությունը, որ որդեգրել է կառավարությունը, գոհացնո՞ւմ է ձեզ:
– Տվյալ պահին` այո. դրական է մոտեցումը: Բայց լիարժեք չէ:
– Ի՞նչն է պակասում:
– Չեն տարվում որոշակի ակտիվ աշխատանքներ: Նաև այդ աշխատանքներում չի ներգրավվում հասարակությունը, ի դեմս, բնականաբար, հասարակական կազմակերպությունների:
– Վարչապետը կարգադրել է արդարադատության նախարարին, որպեսզի կոռուպցիայի դեմ պայքարի խորհրդի նոր կազմ առաջարկի: Գուցե այս նոր կազմում ընդգրկվե՞ն հասարակական հատվածի մարդիկ:
– Ես միայն ուրախ կլինեմ դրա համար: Մեր կազմակերպությունը կողջունի այդ քայլը, քանի որ արդեն իսկ այն սկսել է այդ ուղղությամբ իր ակտիվ գործունեությունը: Իսկ եթե ընդգրկվենք խորհրդի կազմում, բնականաբար արդյունքն ավելին կլինի: Սակայն նման բան դեռևս չկա, չեմ տեսնում: Մի բան էլ կա. կարևորագույն խնդիր է, թե ո՞վ է ընտրելու կազմակերպություններին: Ո՞վ է որոշելու` ո՞ւմ թույլ տալ մասնակցել խորհրդի աշխատանքներին, ում թույլ չտալ: Սա շատ սկզբունքային հարց է:
– Վարչապետը նաև ժամանակին պատասխանեց, որ կոռուպցիայի դեմ պայքարելու է օրենքով: Այսինքն` որպեսզի գործող օրենքը կիրառվի: Դա բավարա՞ր է ըստ Ձեզ: Կարո՞ղ է էական արդյունք տալ:
– Ինչո՞ւ` ոչ: Սակայն հարկ կլինի նաև որոշ նոր օրենքներ ընդունել, եղածների մի մասը խստացնել, մի մասը թուլացնել: Նոր որոշումներ ընդունելու անհրաժեշտություն ևս կլինի: Ի վերջո պետք է մշակվեն անհրաժեշտ մեխանիզմներ այդ պայքարի համար:
– Այսպես ձևակերպենք` խնդիրը քաղաքական կամքի մեջ է:
– Միանշանակ` այո:
– Իսկ ապօրինի հարստացման դեմ ուղղված օրենքը կարո՞ղ է արդյունավետ լինել, եթե չունի հետադարձ ուժ:
– Եթե մենք օգտագործենք այն մեխանիզմները, ինչ օգտագործվում է Ռուսաստանում, ապա արդյունք կլինի: Իսկ օրենքի հետադարձ ուժն այս հարցում էական նշանակություն չունի:
Ես մի բան էլ հավելեմ, մեր երկրում կոռուպցիան միայն պետական կառավարման համակարգում չէ: Կոռուպցիան գործում է նաև հոգևոր–կրոնական դաշտում: Այստեղ ևս խոշոր կոռուպցիոներներ կան, որոնց նկատմամբ, ցավոք որևէ էական գործողություն չի արվում:
– Հոգևոր–կրոնական ոլորտի կոռուպցիայի հիմքում ևս պետք է որ փողը լինի:
– Հնարավոր է: Այս հարցին լավագույնս կարող են պատասխանել իրավապահ մարմինները:
Շարունակությունը` «Փաստ» օրաթերթի այսօրվա համարում:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
