Գործը շինծու է․ Ավետիք Չալաբյանը կմնա անազատության մեջ
«ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանի գործի քննությունը տարօրինակ ընթացք է ստանում, իսկ իշխանությունների և նրանց կցորդ դարձած դատախազության և դատարանի վարքը վկայում է, որ Չալաբյանի դեմ քաղաքական հետապնդում է իրականացվում։
«Իմ կալանքն ընդամենը պատժելու միջոց է՝ բացարձակ քաղաքական դրդապատճառներով»,- Երևանի ընդհանուր իրավասության դատարանում այդ մասին ասել է Ավետիք Չալաբյանը։
Դատավոր Արմեն Շիրոյանը երեկ քննում էր Չալաբյանի խափանման միջոցը փոփոխելու համար ԱԺ պատգամավորներ Սեյրան Օհանյանի, Իշխան Սաղաթելյանի, Էլինար Վարդանյանի, Հայկ Մամիջանյանի, Տիգրան Աբրահամյանի, ՀՀ նախկին փոխվարչապետ Վաչե Գաբրիելյանի և «ԱՐԱՐ» հիմնադրամի երաշխավորությունների մերժման դեմ պաշտպանների ներկայացրած բողոքը։
Դատախազն անգամ հարկ չէր համարել ներկայանալ դատարան, իր ծանրաբեռնվածության մասին գրություն էր ուղարկել։ Մեկ ամսից ավելի կալանքի տակ գտնվող Ավետիք Չալաբյանի փաստաբանները նշել էին, թե խնդիր չեն տեսնում, որ գործը քննվի դատախազի բացակայությամբ, բայց դատավորը որոշեց, թե նրա ներկայությունը պարտադիր է, և հետաձգեց նիստը։ Այն կկայանա հուլիսի 21-ին։
Ըստ էության, դատախազի չներկայանալու և դատավորի որոշման պատճառով Չալաբյանը ստիպված կլինի որոշ ժամանակ ևս մնալ ճաղերի հետևում։ Ավետիք Չալաբյանի երկամսյա կալանքն ավարտվում է հուլիսի 12-ին, ուստի առնվազն տարօրինակ է դրանից 9 օր անց դատաքննության օր նշանակելը։ Ինքը՝ «ԱՐԱՐ» հիմնադրամի համահիմնադիրը, դատարանում հիմնազուրկ է համարել դատախազության հիմնական փաստարկը, թե ազատության մեջ լինելով կխուսափի քննությունից։
«Եթե ես քննությունից խուսափող լինեի, կխուսափեի առաջին 3 օրերի ընթացքում, երբ ձայնագրությունը դրվել էր շրջանառության մեջ, իսկ վարույթն իրականացնող մարմինը կամ ոստիկանությունը ինձ բերման է ենթարկել իմ բնակության հասցեից, որտեղ ես հանգիստ սպասել եմ, իջել եմ ներքևում զրուցել»,- ասել է նա լրագրողներին:
Բոլոր այս փաստարկները վարչախմբին, դատավորին և դատախազությանը չեն հուզում, նրանք խնդիր են դրել հնարավոր ապօրինի միջոցներով Ավետիք Չալաբյանին պահել կալանքի տակ, ինչն էլ անում են ինքնամոռաց։
Արթուր Կարապետյան
Экологическая «революция» в Сюнике: как удалось избавить деревни от заботы о дровах? «Паст»
Газ подорожает, а сельхозпродукция станет дороже золота. «Паст»
Летняя жара, Ереван без воды и «священная» ценность рукопожатия с Макроном. Катастрофические провалы...
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Генрих Мхитарян продлит свой контракт с «Интером» до 2027 года
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
Боррель: расширение функций ЕК привело к полному хаосу во внешней политике ЕС
