Ավետիք Իշխանյան. «Այսօրվանից Արարատ Խանդոյանին կարող եմ համարել քաղաքական բանտարկյալ». «Փաստ»
«Փաստ» օրաթերթը գրում է.
Կենտրոն և Նորք Մարաշ վարչական շրջանների ընդհանուր իրավասության դատարանը երեկ 3 տարվա և 6 ամսվա ազատազրկման դատապարտեց Արարատ Խանդոյանին, ով «Սասնա Ծռեր» խմբի անդամ Արայիկ Խանդոյանի՝ Միայնակ գայլի եղբայրն է:
Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը դատարանի վճիռը «Փաստի» հետ զրույցում քաղաքական հաշվեհարդար որակեց:
«Վճիռը ահավոր դաժան է. արդեն կարելի է պատկերացնել, թե ինչ դաժանությամբ կլինեն բուն Սասնա ծռերի անդամների դատավճիռները: Սա նախաբանն է Սասնա ծռերի դատավճիռների»,– ասաց իրավապաշտպանը՝ հավելելով. «Նույնիսկ եթե ընդունենք, որ այդ օրերին զանգվածային անկարգություններ են տեղի ունեցել, ապա 3,5 տարվա դատավճիռը դա անհամաչափ է, որովհետև այդ զանգվածային կոչված անկարգությունների ժամանակ մենք ավելի շատ բռնություններ տեսել ենք ոստիկանության կողմից, ոչ թե ցուցարարների: Եթե նույնիսկ բռնության պահ է եղել, կարող էր լինել պայմանական վճիռ, բայց ոչ 3,5 տարի: Իսկ եթե մենք զուտ վերցնենք որպես զանգվածային անկարգությունների մասնակից, եթե նա որևէ գործողություն չի արել կամ կազմակերպիչ չի, ապա ազատվում է պատասխանատվությունից: Նրա նկատմամբ հետապնդում չի կարող լինել»:
Ըստ մեղադրանքի՝ 2016 թ. հուլիսի 20–ին Արարատ Խանդոյանը մասնակցել է ՊՊԾ գնդի տարածքը գրաված զինված խմբին աջակցելու համար Խորենացի փողոցում անցկացված բողոքի ակցիաներին և այդ ընթացքում բռնություն է գործադրել ծառայողական պարտականությունները կատարող ոստիկանության աշխատակիցների նկատմամբ՝ հարվածել է, քաշքշել ու փորձել խլել ոստիկանի վահանը: Մեղադրող դատախազ Հայկ Պետրոսյանը դատարանից պահանջել է 4 տարով ազատազրկել Արարատ Խանդոյանին, ով չի ընդունում մեղադրանքը՝ պնդելով, որ անմեղ է ու անցած 11 ամիսների ընթացքում իրավապահները չկարողացան ապացուցել իր մեղքը:
«Սա ուղղակի իշխանության հաշվեհարդարն է ցանկացած ընդվզման նկատմամբ: Փորձում են խիստ դատավճիռներով հանրությանը ցույց տալ, որ պետք է լինել հպատակ և երբեք չընդվզել: Այսօրվանից Արարատ Խանդոյանին կարող եմ համարել քաղաքական բանտարկյալ՝ եթե նույնիսկ զանգավածային անկարգություններին մասնակցություն է ունեցել, որը ես կասկածում եմ, ամեն դեպքում անհամաչափ դատավճիռն արդեն ցույց է տալիս քաղաքական հաշվեհարդարը»,– ասաց իրավապաշտպանը:
Նշենք, որ դատավճռի հրապարակումից հետո Արարատ Խանդոյանի փաստաբան Արա Ղարագյոզյանն ասել է, որ բողոքարկելու են այն:
Շարունակությունը` «Փաստ» օրաթերթի այսօրվա համարում
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
От Арцаха к Еревану: следующий этап азербайджанской экспансии
Фонд развития «Керон» и фонд «Музыка во имя будущего» сотрудничают во имя молодых талантов
Сюникцы обеспокоены: ситуацией вокруг Ирана могут воспользоваться враждебные силы, создавая риски че...
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
Угроза национальной идентичности армянского народа: «Паст»
