Փաշինյանի բռնաճնշումները Ավետիք Չալաբյանի դեմ հարուցել են Արցախի զայրույթը
Ընդդիմախոսներին ամեն գնով ճնշելու և սեփական իշխանությունը երկարաձգելու մոլուցքով տառապող փաշինյանական վարչախումբը բնավ չի մտահոգվում, որ քաղբանտարկյալներից շատերը լուրջ հեղինակություն վայելող մարդիկ են, հսկայական աշխատանքն են կատարել թե՛ Հայաստանի, թե՛ Արցախի համար։ «ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանը տևական ժամանակ կալանքի տակ է, նրա համար երաշխավորել են Արցախի նախագահը, ԱԺ նախագահը, Հայ առաքելական եկեղեցու Արցախի թեմի առաջնորդը, այլ անձինք Արցախից։
«Անգնահատելի է Ավետիք Չալաբյանի ներդրումն ազգային հոգևոր և մշակութային արժեքների պահպանմանը ծառայող նախագծերում ։ Ավետիք Չալաբյանի հայրենանվեր գործունեությունը, մարդկային բացառիկ արժեքները և որակներն արժանի են բարձր գնահատանքի,- նշել է Արցախի Ազգային ժողովի նախագահ Արթուր Թովմասյանը։
Իսկ Արցախի թեմի առաջնորդ Տեր Վրթանես եպիսկոպոս Աբրահամյանը նկատել է, թե Ավետիք Չալաբյանն ու իր գլխավորած թիմը և համախոհներն իրենց ներգրավվածությունն ունեն Հայոց Արցախի առջև ծառացած հիմնական մարտահրավերների՝ ազգային և քրիստոնեական արժեքների պահպանման, հայ հասարակության մշակութային վերափոխման, և հայ ժողովրդի բարոյական արժեհամակարգի վերականգմանն ուղղված ծրագրերի ու նախաձեռնությունների իրականացման գործում։
Դիմադրության շարժման մեկամսյա բողոքի գործողությունների ընթացքում բերման են ենթարկվել 2100 անձինք, ձերբակալվել է 48 մարդ, որոնցից երկու տասնյակից ավելին կալանավորվել են: Եվ Ավետիք Չալաբյանի դեպքում է, որ Արցախի իշխանությունները, քաղաքական, կրոնական, հանրային դեմքերը իրենց վստահ ձայնն են բարձրացնում, պահանջում ականջալուր լինել իրենց պահանջին և արդար դատաքննություն իրականացնել։ Ավետիք Չալաբյանի տարիների վաստակն ու հեղինակությունն է, հանուն Արցախի կատարած գործերն են, որ խոսում են նրա օգտին: Մինչդեռ 44-օրյա պատերազմից հետո Արցախից խուսափող, արցախցիների ձայնն անտեսող փաշինյանական վարչախումբը չի կանգնում ոչնչի առջև, անգամ պատրաստ է խափանել բազմաթիվ այն նախաձեռնությունները, որոնք առանց հասարակական-քաղաքական գործչի մասնակցության անհնար կլինի իրականացնել։ Սա այն դեպքն է, որ հանուն անձնական վրեժխնդրության վնասում են պետության շահերը։ Իսկ քաղբանտարկյալ Ավետիք Չալաբյանը ի վերոջ դուրս կգա բանտից, չաղերն իրականում սպասում են գործող իշխանություններին՝ իրենց առաջնորդ Նիկոլ Փաշինյանի գլխավորությամբ։
Վազգեն Սաղաթելյան
Тотально используя административный ресурс, он «ненавидит» административный ресурс? «Паст»
Великая Победа и великий подвиг армянского народа. Арман Варданян
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
