«Եթե փորձեմ փախչել քննությունից, ապա փախչում եմ ինքս ինձանից». «Փաստ»
«Փաստ» օրաթերթը գրում է
Հասարակական-քաղաքական գործիչ Ավետիք Չալաբյանի կալանավորման որոշման դեմ բերված վերաքննիչ բողոքի քննության դատական նիստը երեկ հետաձգվեց և կշարունակվի այսօր: Չալաբյանի փաստաբանական թիմը միտումնավոր հետապնդման և քաղաքական պատվերի դրսևորում է համարում Չալաբյանին անօրինականորեն կալանավորելը, այն դեպքում, երբ «ակնհայտ մոնտաժված ձայնագրության հրապարակումից երեք օր անց Ավետիք Չալաբյանը շարունակել է իր բնականոն կյանքը՝ որևէ կերպ չմիջամտելով քննությանը:
Փաստաբան Արթուր Հարությունյանը նշեց, որ երեկ դատախազի կողմից, ըստ էության, որևէ հիմնավորում, փաստական տվ յալ, որը կհակադրվեր փաստաբանների կողմից ներկայացված վերաքննիչ բողոքին, հիմնավորումներին` կալանքի և հիմնավոր կասկածի մասով, դատարան չեն ներկայացվել: Նշենք, որ երեկվա դատական նիստին մասնակցել ու ծավալուն ելույթ է ունեցել նաև Ա. Չալաբյանը: Հարությունյանը երեկ մեջբերեց նրա հետևյալ միտքը. «Ես մեր երկրի քաղաքացին եմ, շահառուն, սեփականատերը, և եթե փորձեմ փախչել քննությունից, ապա փախչում եմ ինքս ինձանից»:
Ի դեպ, ուշագրավ էր փաստաբանների ներկայացրած դրվագը, երբ իրենք նիստի ժամանակ նշել են, որ հուլիսի մեկից Քրեական նոր օրենսգիրքն ուժի մեջ է մտնելու, որով Չալաբյանին մեղսագրվող արարքը չի համարվելու քրեական հանցագործություն: «Դատախազն ասում է` իմ տեղեկություններով, օրենսդրական նախաձեռնություն է իրականացվում, որ այդ արարքը նորից քրեականացվի»,- տեղեկացրեց փաստաբան Վարազդատ Հարությունյանը: Հիշեցնենք, որ օրեր առաջ Արցախի նախագահը, Արցախի ԱԺ նախագահը, մի քանի պատգամավորներ, ինչպես նաև Արցախի թեմի առաջնորդը կոչ էին արել չեղարկել Ավետիք Չալաբյանի կալանավորման որոշումը և արդար քննություն իրականացնել։
Չալաբյանին ազատ արձակելու համար երաշխավորագրեր էին ներկայացրել նաև ԱԺ պատգամավորներ Իշխան Սաղաթելյանը, Սեյրան Օհանյանը, Էլինար Վարդանյանը, Հայկ Մամիջանյանը, Տիգրան Աբրահամյանը, Վաչե Գաբրիելյանը և «Արար» հիմնադրամը։
Մանրամասները՝ «Փաստ» օրաթերթի այսօրվա համարում
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Геноцидоведы: увольнение директора Музея-института Геноцида армян — тревожный сигнал для ученых по в...
Когда дети становятся частью пропаганды: «невинный разговор» или?... «Паст»
