Մեկնարկեց «Եվրատեսիլ-2022»-ի եզրափակիչ փուլը. Հայաստանի պատվիրակը ելույթ կունենա ութերորդ համարի ներքո. ՈւՂԻՂ
Իտալիայի Թուրին քաղաքի «ՊալաՕլիմպիկո» մարզահամերգային համալիրում մայիսի 14-ին մեկնարկեց «Եվրատեսիլ 2022» երգի միջազգային մրցույթի եզրափակիչը: Հայաստանի պատվիրակ Ռոզա Լինը «Snap» երգով հանդես կգա 8-րդ համարի ներքո:
Մրցույթի եզրափակիչը հեռարձակվում է Հանրային հեռուստաընկերության ուղիղ եթերում: Այն մեկնաբանում են Գարիկ Պապոյանն ու Հրաչուհի Ութմազյանը:
Եզրափակիչում Հայաստանից զատ հանդես են գալիս Շվեյցարիան, Իսլանդիան, Լիտվան, Պորտուգալիան, Նորվեգիան, Հունաստանը, Ուկրաինան, Մոլդովան, Նիդերլանդները, Բելգիան, Չեխիան, Ադրբեջանը, Լեհաստանը, Ֆինլանդիան, Էստոնիան, Ավստրալիան, Շվեդիան, Ռումինիան, Սերբիան, Իտալիան, Ֆրանսիան, Գերմանիան, Իսպանիան, Միացյալ Թագավորությունը:
Քվեարկելու հնարավորություն ունեն մասնակից բոլոր 40 երկրները, այդ թվում՝ եզրափակիչ չանցած: Հայաստանից Ռոզա Լինի օգտին քվեարկել հնարավոր չէ, սփյուռքից քվեարկելու համար հարկավոր է «Եվրատեսիլին» հետևել տվյալ երկրի Հանրային հեռուստաընկերությամբ և 08 թիվն ուղարկել այդ երկրում առանձնացված հատուկ կարճ հեռախոսահամարին։
Հեռուստադիտողների քվեարկությանը գումարվում են պրոֆեսիոնալ ժյուրիի քվեարկության արդյունքները` 50/50 հարաբերակցությամբ: Հայաստանի ժյուրիի կազմում ընդգրկված են Հանրային հեռուստաընկերության գործադիր պրոդյուսեր, ռեժիսոր Արշալույս Հարությունյանը, երգիչ Էրիկ Կարապետյանը, «Եվրատեսիլ 2019»-ում Հայաստանի պատվիրակ Սրբուկը, երգահան Լիլիթ Նավասարդյանը և պարուհի Վիկտորյա Մարտիրոսյանը:
Հայաստանից քվեարկության արդյունքները հայտնելու է Գարիկ Պապոյանը:
«Անչափ ուրախ եմ, որ երկամյա դադարից հետո կարողացա պատվով ներկայացնել Հայաստանն ու անցնել եզրափակիչ: Ես բազմիցս նշել եմ, որ թեև «Snap»-ն իմ անձնական պատմությունն է, սակայն այդ հուզական իրավիճակը կարող է հոգեհարազատ լինել բոլորին: Փաստորեն եվրոպացի հանդիսատեսը հավատաց ինձ և իմ պատմությանը. շնորհակալ եմ բոլորին, որ քվեարկել են իմ օգտին: Անելու եմ առավելագույնը, որ եզրափակիչում ևս տպավորիչ ելույթ ունենամ»,- նշում է Ռոզան։
«Snap» երգի հեղինակներն են կոմպոզիտորներ՝ Ռոզա Լինը, Լարզ Պրինչիպատոն, Քորթնի Հարելը, Էլի Քրիսթանլը, Թամար Մարտիրոսյան-Կապրելյանը: Տեքստը համահեղինակել են Ռոզա Լինը, Լարզ Պրինչիպատոն, Քորթնի Հարելը, Էլի Քրիսթալը, Թամար Մարտիրոսյան-Կապրելյանը, Ջերեմի Դուսուլետը: Բեմադրության հեղինակներն են ավստրիացի Մարվին Դիետմանը և անգլիացի Դեն Շիպտոնը, որոնք աշխարհահռչակ շոուների, համերգների բեմադրման մեծ փորձ ունեն։
Выполняя требования агрессора, мира не достичь. Аршак Карапетян
Армения оказалась на грани исторической катастрофы․ Аршак Карапетян
Бывшие руководители Словакии требуют от Никола Пашиняна прекратить политические преследования и давл...
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
Moody’s изменило прогноз по рейтингам IDBank на позитивный
Мы не хотим, чтобы сатана, пришедший к власти, судил христиан за их поступки
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
День благодарности клиентам - на этот раз в филиале IDBank «Эребуни»
