Մայրը սրտի խնդիրներ ունի, բոթը լսելիս ուշագնաց եղավ. մանրամասներ՝ այսօր դիրքում մահացած հայտնաբերված զինծառայող Արգիշտի Եղյանից
ՊՆ-ն այսօր հայտարարություն տարածեց այն մասին, որ ժամը 10:15-ին, հանրապետության արևելյան ուղղությամբ տեղակայված N զորամասի մարտական հենակետերից մեկում հայտնաբերվել է շարքային Արգիշտի Արմենի Եղյանի (ծնվ. 2002 թ.) դին՝ կրծքավանդակի շրջանում հրազենային վիրավորումով։
Արգիշտի Եղյանին ճանաչելու նպատակով ԼՈՒՐԵՐ.com-ը կապ հաստատեց Սիսիանի Շաքե գյուղի համայնքի ղեկավար Ռուբեն Մանուչարյանի հետ, որը, ինչպես հետո պարզ դարձավ, մահացած զինծառայողի ընտանիքի բարեկամն էր.
Նա նշեց, որ ընտանիքում 3 երեխա էին՝ երկու քույր և մեկ որդի, զինծառայողի հայրը մեխանիզատոր է, մայրը՝ տնային տնտեսուհի, պարկեշտ ընտանիք են: Ընտանիքի բարեկամը նրան ներկայացրեց մեկ դարձվածքով՝ «Աստծո անմեղ գառ»:
«Նա շատ խաղաղ էր, համեստ և ամաչկոտ, դաստիարակված, միմիայն դրական հատկանիշներով էր օժտված, անգամ այդ տարիքում, երբ մեկի հետ զրուցում էր ամաչում էր, այսքանից հետո նրա կռվարար լինելու մասին խոսելն ավելորդ եմ համարում: Արգիշտին սովորում էր պետհամալսարանում, անգլերեն և իսպաներեն լեզուների մասնագետ էր: Ինքը գերզարգացած երիտասարդ էր, իր բացառիկ ընդունակությունների շնորհիվ համալսարանը նրան մեկ տարով ուղարկեց ԱՄՆ, սակայն կորոնավիրուսի հետևանքով նա շուտ վերադարձավ և զորակոչվեց բանակ»,- նշեց համայնքի ղեկավարը:
Վերջինս ասաց, որ Արգիշտին ծառայում էր Վարդենիսի զորամասերից մեկում, և որ շուտով կլրանար նրա ծառայության մեկ ու կես տարին: Ինչպես նշեց Ռուբեն Մանուչարյանը, իմանալով մահացած զինվորի մոր սրտի խնդրի մասին, ընտանիքին շատ զգույշ են հայտնել բոթը.
«Մենք նախքան այդ լուրը հայտնելը, բոլոր պայմանները ստեղծեցինք, շտապօգնության մեքենա կանչեցինք, որովհետև մայրը սրտի խնդիր ունի: Երբ մայրը դուրս եկավ տանից, մենք այդ բոթը հայտնեցինք և ինքը վատացավ՝ ուշագնաց եղավ, բժիշկն ու բուժքույրը անմիջապես համապատասխան օգնություն ցուցաբերեցին նրան: Երբ այդ բոթը Արգիշտիի հորը հայտնեցինք, նա լացեց և ասաց, որ մինչև գիշերը ժամը 3:00-ը խոսել է որդու հետ և որևէ արտառոց բան չի նկատել, ինչպես միշտ այդ ժամանակ էլ Արգիշտին ուներ շատ բարձր տրամադրություն»,- ցավով ընդգծեց նա:
Ավելին՝ այստեղ
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
Важен не процесс, а результат: бывший министр обороны о саммите в Ереване: «Паст»
