Տպավորություն է, թե որոշ ոստիկաններ հրահանգն ուղիղ Ալիևից են ստացել. Նաիրա Զոհրաբյան
Հասարակական-քաղաքական գործիչ Նաիրա Զոհրաբյանի հետ զրուցել ենք Հայաստանում տեղի ունեցող գործընթացների, ընդդիմության բողոքի ակցիաների և դրանց ընթացքում քաղաքացիների հիմնարար ազատությունների հաճախակի ոտնահարման դեպքերի մասին.
«Հարցը շատ պարզ է դրված: Հիշու՞մ եք մի ժամանակ Նիկոլ Փաշինյանը Ազատության հրապարակում բղավում էր՝ կամ ես կլինեմ վարչապետ, կամ Հայաստանը վարչապետ չի ունենա: Հիմա ես ասում եմ՝ կամ Նիկոլ Փաշինյանը համաժողովրդական շարժմամբ կհեռանա իշխանությունից, կամ մենք վերջնականապես կկորցնենք Արցախը և Հայաստանը: Այլընտրանքը շատ պարզ է՝ կա՛մ Հայաստանը մնում է, այդ դեպքում հեռանում է Նիկոլ Փաշինյանը, կա՛մ նա կարողանում է բիրտ ուժով, ոստիականական «բեսպրեդել»-ով ճնշել համաժողովրդական շարժումը, ինչը, ես վստահ եմ, այս անգամ նրան չի հաջողվելու: Դրա այլընտրանքը լինելու է Արցախը՝ Ադրբեջանի կազմում, Հայաստանը՝ Թուրքիայի վիլայեթ:
Ես, որ հաճախ քննադատել եմ խորհրդարանական ընդդիմության գործողությունները՝ ասելով, որ նրանք անելիք չունեն խորհրդարանում, հիմա արձանագրում եմ, որ այն, ինչ անում է ընդդիմությունը, գրագետ, կազմակերպված, համախմբված պայքար է՝ հանուն Արցախի և Հայաստանի, և մենք բոլորս, ում պայքարը հանուն իշխանության, հանուն աթոռի չէ, համախմբված ենք այս կարևոր գաղափարի շուրջ: Այնպես չէ, որ մենք իրար մեջ գաղափարական տարաձայնություններ չունենք, բայց գլխավոր զարկերակի հարցում՝ պահել Արցախն ու Հայաստանը, մենք բոլորս միակամ ենք»,- 1or.am-ի հետ զրույցում ասաց Զոհրաբյանը:
Անդրադառնալով խաղաղ ակցիաների ժամանակ Ոստիկանության ցուցաբերած վարքին, Զոհրաբյանի նշեց, որ տպավորություն է, թե որոշ ոստիկաններ հրահանգն ուղիղ Ալիևից են ստացել.
«Ոստիկանները բիրտ ուժ են կիրառում խաղաղ ցուցարարների հանդեպ՝ կատարելով հանցագործություն: Ոսիկանության զորքերի մասին օրենքի 14-րդ հոդվածի 3-րդ մասի համաձայն՝ Ոստիկանության զորքերն իրավունք չունեն միջամտելու խաղաղ, առանց զենքի իրականացվող միջոցառումներին: Ուստի Ոստիկանական զորքերն այս օրերին կատարում են ուղղակի հանցագործություն՝ առանց հասկանալու դառնում են ուղղակի հանցագործներ: Ես վստահ եմ, որ նրանց հանցագործություններն անպատիժ չեն մնալու: Նիկոլ Փաշինյանի դասընկեր Ոստիկանապետը պետք է իմանա, որ հաշված օրերի ընքացքում ինքն անձամբ է պատասխան տալու՝ Նիկոլ Փաշինյանի ապօրինի հրահանգները Ոստիկանական զորքրերին իջեցնելու համար»:
Մարիամ Նալբանդյան
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Геноцидоведы: увольнение директора Музея-института Геноцида армян — тревожный сигнал для ученых по в...
Когда дети становятся частью пропаганды: «невинный разговор» или?... «Паст»
