Բայդենի ուղերձից հետո Անկարայից մեկը մյուսի հետևից քննադատություններ են հնչում
Թուրքիայի բարձր ղեկավարությունը շարունակում է արձագանքել Միացյալ Նահանգների նախագահի ապրիլքսանչորսյան ուղերձին, թեև Ջո Բայդենը արդեն երկրորդ տարին է, որ կիրառում է «ցեղասպանություն» բառը։ Արտգործնախարարից հետո այսօր էլ Թուրքիայի պաշտպանության նախարարն է հայտարարել, թե «ցեղասպանության մասին պնդումներն անհիմն են, և թուրքական պատմությունը մաքուր է»:
«Ակնկալում ենք, որ բոլորը կտեսնեն այս թեմայով մեր պատմաբանների ներկայացրած իրողությունները: Այդ պնդումները առաջ քաշողները պատմությունից թշնամություն են քաղում: Այս գործելակերպը ոչ մի կերպ չի ծառայում տարածաշրջանային և համաշխարհային խաղաղությանը», - ասել է Հուլուսի Աքարը:
Նա պնդել է, թե «ԱՄՆ աղբյուրներում 1915 թվականին վերաբերող աշխատություններ կան, որտեղ նույնպես չկա ցեղասպանություն ձևակերպումը»: Նրա համոզմամբ` ներկայումս այդ իրադարձությունները քաղաքական նպատակներով խեղաթյուրվում են. «Մեր պատմությունը մաքուր է, ամաչելու ոչինչ չունենք»:
Միացյալ Նահանգների նախագահի ուղերձից հետո Անկարայից մեկը մյուսի հետևից քննադատություններ հնչեցին: Առավել կոշտ բառապաշար օգտագործել է Թուրքիայի նախագահականի խոսնակ Իբրահիմ Քալընը՝ ԱՄՆ-ին կոչ անելով հայելու մեջ նայել:
«Միլոնավոր մարդկանց մահվան տանող, համաշխարհային պատերազմներ հարուցող, զանգվածային ոչնչացման զենքեր սարքող, ատոմային ռումբ կիրառող, ստրկավաճառություն անող, մարդկանց գազանանոցներում ցուցադրող ժամանակակից բարբարոսներ: Մեր պատմության մեջ ցեղասպանության, էթնիկ զտման, Հոլոքոստի բիծ չկա»,- Թվիթերում գրել է Քալընը:
Իսկ Թուրքիայի արտգործնախարար Մևլութ Չավուշօղլուն Թվիթերում արևմտյան առաջնորդներին, մասնավորապես Ջո Բայդենին և Էմանյուել Մակրոնին մեղադրել էր երկերեսանի մոտեցման համար:
«Արևմտյան որոշ առաջնորդներ վերջերս պաշտպանում են այն տեսակետը, որ «ցեղասպանությունը» միայն դատարանի որոշմամբ կարող է հաստատվել։ Ճիշտ է։ Բայց նույն մարդիկ 1915 թվականի դեպքերի համար քաղաքական դրդապատճառներով օգտագործել են «ցեղասպանություն» բառը՝ առանց իրավասու դատարանի որոշման, և սա նրանց երկերեսանիության ամենացայտուն օրինակն է»,- գրել էր Չավուշօղլուն։
Ավելի վաղ նաև Թուրքիայի ԱԳ նախարարությունն էր հայտարարություն տարածել՝ դատապարտելով «քաղաքական նպատակներով պատմական իրողությունները խեղաթյուրող նմանօրինակ հայտարարություններն ու որոշումները»:
Արտաքին գերատեսչությունն ընդգծել էր, թե «Թուրքիան հարգանքով հիշում է օսմանյան բոլոր քաղաքացիների, այդ թվում` հայերի ապրած ցավերը և մերժում է այդ վիշտը քաղաքականության նյութ դարձնելու փորձերը»:
«Թուրքիան ջանքեր է գործադրում տարածաշրջանում ու աշխարհում խաղաղության և կայունության հաստատման համար: Հայաստանի հետ սկսված կարգավորման գործընթացը այս մտադրության ևս մեկ ցուցիչ է»,- ասված էր հայտարարության մեջ:
Стартует конкурс образовательной программы «Армянские Виртуозы» фонда «Музыка во имя будущего»
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Что еще «откроют» перед выборами? «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
