«Սլավ Գրուպ» ՓԲԸ–ի ներկրած մանկական կերը ադրբեջանական հետքեր է պարունակում. «Փաստ»
«Փաստ» օրաթերթը գրում է.
Եթե ադրբեջանական խնձորը հայկական շուկայում հայտնվելուց հետո ձեռքի մեկ հպումով կարող էր վերապիտակավորվել և դառնալ օրինակ՝ հունական, լեհական կամ մեկ այլ երկրի արտադրանք, ապա «Նուտրիլոն» մանկական կերի դեպքում ադրբեջանական նշագրումը նույն ձևով փոխել հնարավոր չէ: Մեր աճպարար գործարարներն այս անգամ մանկական կերի վրայի ադրբեջանական հետքերը թաքցնելու համար գրառման վրա ինքնասոսնձվող հայերեն պիտակ են փակցրել, որի վրա գրված է, թե ով է այդ կերերը ներմուծող ընկերությունը:
Պիտակի վրա սևով սպիտակի վրա գրված է՝ ներմուծող «Սլավ Գրուպ» ՓԲԸ, Երևան: Եվ բավական է պոկել այդ պիտակը, համոզվելու համար, որ այն, ամենայն հավանականությամբ, կամ արտադրվել է Ադրբեջանի պատվերով, կամ այդ ֆիրմայի ապրանքը շփոթեցնելու աստիճան նմանեցված է նույնանուն եվրոպական արտադրանքին և կեղծվել է հենց Ադրբեջանում: Բայց հարց է ծագում, թե ինչու է այդ կասկածելի ծագում ունեցող մանկական կերը հայտնվել հենց հայկական շուկայում, արդյոք փորձաքննության ենթարկվե՞լ է:
Մեր ուսումնասիրությունները ցույց տվեցին, որ մանկական կերի մեկ տուփի արժեքը տատանվում է 4300–ից 4800 դրամի սահմաններում: Այն հայկական շուկայում բավականին լավ է վաճառվում: Այդ կերը նշանակում կամ մայրիկներին խորհուրդ են տալիս գնել պոլիկլինիկաներում աշխատող մանկաբույժները:
Տեղեկացնենք նաև, որ իրականում այս մանկական կերն արտադրվում է երեք երկրներից որևէ մեկում՝ Գերմանիայում, Ֆրանսիայում և Նիդեռլանդներում, իսկ Ռուսաստան ներմուծվում է միայն գերմանական կամ ֆրանսիական արտադրանքը: Եվ եթե հնարավոր է այս կամ այն երկրի պատվերով սեփական լեզվով մակնշված մանկական կեր պատվիրել տվյալ ընկերությունում, ապա, ամենայն հավանականությամբ, ադրբեջանցիք այն ներկրել են հիշյալ երկրներից, իսկ մերոնք էլ ինչ–որ ճանապարհով ներկրել են Ադրբեջանից:
Ի դեպ, այս կերի հետ կապված այլ մանրամասներ պարզելու համար մենք փորձեցինք կապ հաստատել ընկերության տնօրինության հետ, սակայն տեղեկացրին, որ տնօրենը տեղում չէ: Կարծում ենք այս ակնարկից հետո նրանք ավելի շուտ կցանկանան կապ հաստատել մեզ հետ և պատասխանել մեր մյուս հարցերին:
Խնդրի հետ կապված այլ մանրամասներ պարզելու համար «Փաստը» պաշտոնական հարցում է ուղարկել նաև Առողջապահության նախարարությանը, իսկ հիմա՝ այսքանը:
Շարունակությունը` «Փաստ» օրաթերթի այսօրվա համարում
Лидер Движения «Всеармянский фронт» Аршак Карапетян проведёт пресс-конференцию на тему «События на Ю...
Бывшие руководители Словакии требуют от Никола Пашиняна прекратить политические преследования и давл...
День благодарности клиентам - на этот раз в филиале IDBank «Эребуни»
Мы не хотим, чтобы сатана, пришедший к власти, судил христиан за их поступки
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
А сейчас Алиев требует закрыть АЭС.Браво, господа, аплодисменты
Мгер Ананян вошел в состав Правления Юнибанка
