Հռոմի պապից ավելի կաթոլիկ երևալու այս իշխանության վարքագիծը արդեն իսկ առաջացրել է լուրջ դժգոհություններ․ Ղազինյան
ԱԺ «Հայաստան» խմբակցության պատգամավոր Արթուր Ղազինյանն իր ֆեյսբուքյան էջում գրում է.
«Հարգելի Հայրենակիցներ,
Ծխելը վատ բան է, բոլորին խորհուրդ եմ տալիս չծխել:
Բայց այս իշխանությունների կողմից հակածխախոտային քաղաքականությունը հատել է խելամտության ու բանականության բոլոր սահմանները. արգելվել են ծխախոտի, սիգարների, նարգիլեների և դրանց փոխարինիչների օգագործումը հանրային սննդի սպասարկման բոլոր վայրերում. ինչպես փակ, այնպես էլ բաց տարածքներում:
Հռոմի պապից ավելի կաթոլիկ երևալու այս իշխանության վարքագիծը արդեն իսկ առաջացրել է լուրջ դժգոհություններ ինչպես հանրային սննդի կազմակերպիչների, տնտեսվարողների, այնպես էլ հարյուր հազարավոր մեր քաղաքացիների և զբոսաշրջիկների շրջանում:
Հաշվի առնելով վերը նշվածը, հայտնում եմ ձեզ, որ քիչ առաջ իմ և իմ գործընկեր Արթուր Սարգսյանի կողմից Ազգային ժողովում պաշտոնական շրջանառության մեջ է դրվել օրենսդրական նախագծերի փաթեթ, որով նախատեսվում է թույլատրել ծխախոտի կամ դրա փոխարինիչի օգտագործումը.
1️⃣ բաթօթյա հանրային սննդի օբյեկտներում,
2️⃣ծխախոտի օգտագործման մասնագիտացված օբյեկտներում (սիգար, նարգիլե, կալյան ակումբեր)
3️⃣ հանրային սննդի այնպիսի օբյեկտներում, որոնք ունեն դրա օգտագործման համար առանձնացված և առողջապահության բնագավառի պետական լիազոր մարմնի կողմից սահմանված տեխնիկական պահանջներին համապատասխան հատուկ տարածքներ:
Նախագծի նպատակը վարչարարության արդյունավետության ապահովումն է, ինչպես նաև տնտեսվարող սուբյեկտների, առավելապես ծխախոտի օգտագործման մասնագիտացված օբյեկտների արդյունավետ գործունեության իրավունքը:
Կրկին խորհուրդ եմ տալիս չծխել և հարգել չծխող մեր հայրենակիցների իրավունքները: Իսկ չծխող մեր քաղաքացիներին խնդրում եմ ըմբռնումով մոտենալ բաց տարածքներում ծխախոտ վայելող մեր մյուս քաղաքացիներին:
Սա է թելադրում հանդուրժողականության, միմյանց հարգելու, հասկանալու և ըմբռնումով մոտենալու ներքին համերաշխության կանոնը:
Առողջ եղեք . . .»:
Экологическая «революция» в Сюнике: как удалось избавить деревни от заботы о дровах? «Паст»
Газ подорожает, а сельхозпродукция станет дороже золота. «Паст»
Летняя жара, Ереван без воды и «священная» ценность рукопожатия с Макроном. Катастрофические провалы...
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Генрих Мхитарян продлит свой контракт с «Интером» до 2027 года
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
Боррель: расширение функций ЕК привело к полному хаосу во внешней политике ЕС
