Թիրախում կրկին Պատրոն Դավիթն է
Հայաստան զենք մատակարարող Դավիթ Գալստյանը` հայտնի որպես Պատրոն Դավիթ, ազատության մեջ է, ինչը լիուլի բավարար է տարբեր տեղերից սնուցվող լրատվականների ու դավադրության տեսությունների սիրահարների համար` ապատեղեկատվություն տարածելու հարցում նոր հորիզոններ նվաճելու։
Նախ, հասարակությանը լրատվություն մատուցելուց առաջ պետք է առնվազն գրագետ լինել և իմանալ, որ կալանավորված` դեռ չի նշանակում մեղավոր։ Մեղավոր կամ հանցագործ համարվում է այն մարդը, ում նկատմամբ կա ուժի մեջ մտած դատավճիռ։
Դավիթ Գալստյանը կամ Պատրոն Դավիթը մեղադրվել է այնպիսի հրթիռների ներմուծման համար, որի ձեռքբերման և հետգնման համար Ռուսաստանը 9,7 միլիարդ ռուբլի է հատկացրել։ Խոսքը ժամանակին իր երկրում արտադրված և այլ երկրներ մատակարարված նույն հրթիռներից առկա մնացորդների մասին է:
Դավիթ Գալստյանը տարիներ առաջ Հայաստանի պաշտպանության նախարարության պատվերով գնել և փոխանցել է այդպիսի հրթիռներ։ Եվ այն, որ Ռուսաստանը ոչ միայն չի վաճառում, այլև սկսել է հետ գնել այդ հրթիռները, քանի որ դրանց քանակը բավականին քիչ է, ինքնին վկայում է, որ այդ հրթիռները որակյալ են և ժամկետի մեջ: Մամուլում տեղեկություն տարածվեց, որ իրեն մեղադրանք առաջադրելուց հետո Գալստյանը առաջարկել է հետ գնել իր ապրանքը, ինչը և արվել է, որից հետո գրավի դիմաց ազատ է արձակվել։
Հիմա այս պատմության մեջ ի՞նչը դուր չի եկել մամուլի որոշ միջոցների կամ նրանց պատվիրատուներին` անհասկանալի է։ Կամ եթե նույնիսկ այս ընթացքում ՊՆ֊ն գնումներ է իրականացրել նույն մատակարարկից, ապա պետք է ֆիքսել. լինել որևէ դրվագով կասկածյալ` դեռ չի նշանակում լինել մեղավոր կամ համագործակցության համար ոչ արդյունավետ։
Ի վերջո, դադարեցեք հակահերոսներ կերտել այն անձից, ում հայանպաստ գործողությունների համար Ալիևը հրահանգել է միջազգային հետախուզում հայտարարել։
Մեղավորներ և հակահերոսներ դեռ կգտնվեն։ Հիմա համախմբվելու ժամանակն է։
Մերի Պողոսյան
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Вопрос о лишении их сана должен быть решен немедленно: «Паст»
Известные политики и эксперты обсудили новые вызовы безопасности Армении. Новый уникальный интеракти...
«Если ты не можешь защитить границы своей страны — не перекладывай эту проблему на других»: Айк Наап...
«Европа не придёт нас спасать»: Арман Гукасян о реальной политике
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
Для чего нужны представления с названием «литургия»? «Паст»
В администрации Трампа впервые признали, что иммиграционные агенты, «возможно, нарушили протокол» в ...
