Զուլալի պատմությունը. հայ ռեժիսորի ֆիլմն առաջադրվել է «Նիկա» մրցանակի
mir24.tv-ն գրում է, որ հայ ռեժիսորի կինոնկարը դարձել է «Նիկա» կինոմրցանակի հավակնորդ «ԱՊՀ երկրների և Վրաստանի լավագույն ֆիլմ» անվանակարգում։ «Զուլալի» կոչվող ժապավենը հիմնված է Նարինե Աբգարյանի համանուն պատմվածքների ժողովածուի վրա։ Խուլ-համր աղջկա և նրա ընտանիքի պատմությունն արդեն դիտել է հայ հեռուստադիտողը, իսկ այժմ նախատեսվում է այն ցուցադրել Ռուսաստանում։
Այդ պատմությունը կարող էր լինել ցանկացած երկրում և ցանկացած ընտանիքում։ Ողբերգություն, որը փոխել է սիրելիների կյանքը, և որը նրանք միասին հաղթահարել են։
Գլխավոր հերոսներից մեկի՝ Նազարոսի պապը ինքնասպան է լինում, իսկ տղան սկսում է իր չափահաս կյանքը։ Նա ողբերգության միջով է անցնում և պետք է հենարան լինի իր մոր համար, ով մի անգամ հրդեհից հետո համր է դարձել, իսկ հետո խելքը կորցրել է, երբ չափահաս տղամարդը բռնության է ենթարկել նրան։ Նրա պաշտպանությանը մի ամբողջ գյուղ է կանգնել։ Զուլալի 12-ամյա որդուն մարմնավորել է ոչ պրոֆեսիոնալ դերասան Արտեմ Մելիքյանը, նա գյուղի բնակիչ է, որտեղ տեղի է ունեցել այդ հրդեհը։ «Մտածում էինք, որ դժվարություններ կլինեն նրա հետ, բայց զարմացանք, թե ինչպես է նա զգում տեսախցիկը, նույնիսկ կարիք չունեինք կրկնակի նկարելու»,- ասել է «Զուլալի» ֆիլմի օպերատոր Արման Օրդյանը։
Զուլալիի դերը բաժին է հասել երիտասարդ դերասանուհի Հերմինե Ստեփանյանին։ Նրա համար դա չորրորդ կինոաշխատանքն է։ Համր աղջկա կերպարին ընտելանալու համար Հերմինեն երկար հետևում էր լսողության խնդիրներ ունեցող մարդկանց։ Հայտնի է, որ առանց խոսքերի դերն ամենահետաքրքիրն է։ «Ես շատ երկար էի սպասում, որ մի օր կլինի այնպիսի դեր, որում կարող ես բացվել, ցույց տալ քեզ։ Խոսքը գլխավոր կամ երկրորդական դերերի մասին չէ, փաստն այն է, որ հերոսուհու խորությունը թույլ է տալիս, չնայած այն բանին, որ նա ֆիլմում չի խոսում, բացահայտել ու ցույց տալ շերտեր, որոնք դժվար կլիներ ցուցադրել այլ դերերում»,- ասել է դերասանուհի Հերմինե Ստեփանյանը։
Նկարահանումները տեղի են ունեցել լեռներում՝ Տավուշի մարզի գեղատեսիլ կիրճում։ Հենց այնտեղ են տեղի են ունեցել իրադարձությունները։ Կինոնկարի հեղինակներն ասում են, որ հաճախ ստիպված են եղել հարմարվել բնությանը` կամ ձյունը հալեցնել, կամ երկար սպասել արևին։ Ֆիլմի վրա աշխատանքը շարունակվել է երեք տարի։ «Այս ֆիլմը միայն սիրո մասին չէ, այն մեր մասին է, այն հայերի մասին, ովքեր ապրում են, ապրել և ապրելու են այս հողերի վրա, ստեղծելու և սիրելու են միմյանց»,- ասել է «Զուլալի» ֆիլմի ռեժիսոր Հայկ Օրդյանը։
Ֆիլմի պրեմիերան Հայաստանում տեղի է ունեցել հոկտեմբերի 22-ին։ Այժմ ֆիլմը կրկնօրինակվում է ռուսերեն Ռուսաստանում ցուցադրության համար։
Նյութը հրապարակման պատրաստեց Կամո Խաչիկյանը
Какой закон, какие урегулирования, кому они нужны? «Паст»
Односторонняя повестка уступок и политика молчания официального Еревана: «Паст»
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Тонкое искусство «кайфаваться» над народом и все «бросить в карман народа»... «Паст»
Почему власть сама ставит себя в нелепое положение? «Паст»
«Фокус» университета Брюсова: объявление о бесплатных местах в последнюю минуту։ «Паст»
Почему Аветик Чалабян вновь оказался в центре внимания властей? «Паст»
Административный суд признал бездействие полиции незаконным
Когда любая уступка превращается в отправную точку для новых требований: «Паст»
