Աշոտյանն ուզում է փորձագետներին աշխատեցնել «հանուն հայրենիքի»` անվճար. նրանք համաձայն չեն. «Փաստ»
«Փաստ» օրաթերթը գրում է.
ԱԺ Արտաքին հարաբերությունների հանձնաժողովի նախագահ Արմեն Աշոտյանի երեկ հրավիրած «Անալիտիկ խորհուրդ» աշխատանքային խմբի առաջին հանդիպումից պարզ դարձավ, որ խորհրդի գաղափարի հեղինակը հրավիրել է փորձագետներին աշխատելու հանձնաժողովի հետ, ավելի ճիշտ՝ հանձնաժողովի համար, սակայն գումարի հարցը չի լուծել:
«Ճիշտ է, հիմա գումար չունենք խորհրդի համար»,– նիստին հրավիրվածներին «ավետեց» Արմեն Աշոտյանը՝ հավելելով. «Նյու վասյուկի չենք խաղալու: Գծային ԱԺ–ից պետք է անցնենք նաև տարածականի, նման չափագրում անենք»:
Նիստին հրավիրված Ռազմավարական և ազգային հետազոտությունների հայկական կենտրոնի տնօրեն Մանվել Սարգսյանը հարց բարձրացրեց. «Հիմա դուք պետական կառույց եք, ասում եք՝ եկեք մեզ օգնեք: Ինձ համար պարզ չի՝ ինչի՞ պիտի ձեզ օգնեմ»,– ասաց նա՝ չկիսելով Արմեն Աշոտյանի տեսակետը, թե «էնտուզիազմով» պետք է աշխատել: «Էնտուզիազմով տուն չեն պահում»,– տեղից ռեպլիկ հնչեցրեց «Միջազգային և անվտանգության հարցերի հայկական ինստիտուտի» հիմնադիր նախագահ, քաղաքական վերլուծաբան Ստյոպա Սաֆարյանը:
Ստացվում է՝ պատգամավոր ընտրվել են այլ մարդիկ, սակայն քանի որ նրանց «կարողությունները չեն ներում», օրինագծերի և խորհրդարանական դիվանագիտության զարգացման համար պետք է աշխատեն այլ փորձագետներ, որոնց մի մասին, ի դեպ, իշխանության տարբեր ներկայացուցիչները «գրանտակերներ» էին անվանում: Ընդ որում՝ գոնե այս պահին, անվճար հիմունքներով: Սա այն դեպքում, երբ որոշ շրջանակներում հայտնի է նաև, որ ԱԺ որոշ ոչ գործարար պատգամավորներ, բացի մոտ 700 հազար աշխատավարձից, նաև այլ գումարներ են ստանում կուսակցությունից:
Քաղաքագետ Մանվել Սարգսյանը նաև հանդիմանեց պատգամավորներին. «Ես բազմաթիվ նյութեր եմ գրում, և դրանց մեծ մասը դուք չեք կարդում... ինչո՞ւ չեք կարդում... հատուկ եմ կոպիտ ասում։ ԱԺ–ում պետք է մարդիկ լինեն, որ շահագրգիռ լինեն»։
Արմեն Աշոտյանն ի պատասխան բացահայտեց իր հայրենանվեր մղումները. «Եթե այս նիստին հրավիրել ենք, ուրեմն Ձեզ կարդում են։ Իմ մոտիվացիան է` աշխատել հանուն երկրի, գրել ոչ թե գրադարակի, գրադարանի, հանուն թղթի, այլ երկրի համար։ Այնպես չէ, որ միայն իմ խաթր կամ ՀՀ համար եք այստեղ լինելու»:
Խորհրդի նիստին հրավիրվածները, սակայն, չէին ազդվել Աշոտյանի «հայրենասիրական» դիտողություններից: Ավելին, նրա ծրագիրը հասկանալի չի եղել ներկաների համար: «Հասկանալի չէր՝ ոնց են պատկերացնում էդ մարդիկ էդ գործը: Երևի իրենք էլ են դեռ ուզում պարզել՝ ինչ կարելի է անել, ոնց կարելի է դա ընդհանրապես կազմակերպել, սակայն դեռ հստակ պատկերացում չունեն»,– խորհրդի նիստից հետո «Փաստի» հետ զրույցում ասաց քաղաքագետ Մանվել Սարգսյանը՝ հավելելով, որ փորձ է արվում պառլամենտական դիվանագիտության ոլորտը զարգացնել:
Մեր դիտարկմանը, թե ստացվում է՝ իրենք ընտրվել են, ուզում են Ձեր ներուժն օգտագործել, ընդ որում՝ անվճար, քաղաքագետը ծիծաղեց. «Դե չգիտեմ, էդ հարցում դեռ չի խորացել, ամենատարրական հարցերի պատասխանները դեռ չկան: Օրինակներ եղան, թե ուրիշ տեղերում ոնց են անում: Ես առաջարկեցի հստակեցնել՝ իրենք ոնց են պատկերացնում խորհրդի աշխատանքը»:
ԱԺ արտաքին հարաբերությունների մշտական հանձնաժողովի նախաձեռնած «Անալիտիկ խորհրդի» հաջորդ նիստը կկայանա հուլիսին, որը, ըստ Արմեն Աշոտյանի, նվիրված կլինի նրան, թե ԱԺ հաղորդակցական խողովակներն ինչպես օգտագործել` լուծելու արտաքին մարտահրավերները։
Շարունակությունը` «Փաստ» օրաթերթի այսօրվա համարում
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Саммит хромых уток в Ереване
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
«След» Курдистана в списке «Республики»: кто такой Роман Мурадян? «Паст»
Le Figaro: Европа рискует пожертвовать демократией в Армении ради геополитики
Кая Каллас прибыла в Азербайджан
В НАТО заявили, что решение США о выводе войск из ФРГ не повлияет на возможности альянса
Euobserver: Армения стремится занять место в очереди на вступление в ЕС на фоне геополитической нест...
