ՆԱՏՕ-ն կարող է մարտական խմբեր տեղակայել Սև ծովի շրջանում
ՆԱՏՕ-ն քննարկում է Ռումինիայում մարտական խմբեր տեղակայելու հնարավորությունը: Այդ մասին հայտարարել է գլխավոր քարտուղար Ենս Ստոլտենբերգը, տեղեկացնում է «Արմենպրես»-ը:
«Մենք այժմ ուսումնասիրում ենք դաշինքի հարավ-արևելքում երկարաժամկետ ներկայության հնարավորությունը: Այժմ մենք մարտական խմբեր ունենք բալթյան երկրներում և Լեհաստանում: Մենք ուսումնասիրում ենք Ռումինիայում, Սև ծովի շրջանում, նմանօրինակ խմբեր տեղակայելու հնարավորությունը»,-հայտնել է նա Մեծ Բրիտանիայի վարչապետ Բորիս Ջոնսոնի հետ համատեղ անցկացված մամուլի ասուլիսում:
Դաշինքի ղեկավարը նաև հավելել է, որ այսօր Ուկրաինայի բանակն անհամեմատ ավելի լավ է պատրաստված, քան 2014 թվականին:
«Նրանք (Ուկրաինայի պաշտպանության ուժերը) ավելի լավ են հանդերձավորված, ավելի լավ են պատրաստված, ավելի լավ են կառավարվում»,-ասել է նա:
Ստոլտենբերգի խոսքով՝ «Մեծ Բրիտանիան, դաշինքի մյուս երկրներն աջակցություն են ցուցաբերում Ուկրաինայի պաշտպանության ուժերին, որպեսզի նրանք կարողանան պաշտպանվել, դա յուրաքանչյուր ազգի իրավունքն է»: Վերջին ամիսներին Արևմուտքը Մոսկվային մեղադրում է Ուկրաինա «ներխուժում» պատրաստելու համար և ուժեղացնում իր ներկայությունն Արևելյան Եվրոպայում:
Ռուսաստանում մերժում են բոլոր նկրտումները՝ ընդգծելով, որ զորքեր են տեղաբաշխում սեփական տարածքների սահմաններում, ինչպես նաև հիշեցնում են, որ չեն մասնակցում ներուկրաինական հակամարտությանը և չեն խախտում որևիցե պայմանավորվածություն ի տարբերություն Կիևի, որը չի պահպանում Մինսկի համաձայնությունները:
Փաստաթուղթը նախատեսում է սահմանադրական բարեփոխման անցկացում, հրադադար, ծանր սպառազինությունների հետքաշում շփման գծից: Մոսկվայում քանիցս կոչ են արել դադարեցնել զենքի տեղափոխումը տարածաշրջան, քանի որ դա կարող է Կիևին հրահրել ռազմական արկածախնդրության:
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
