Ադրբեջանի ձայնը Ռուսաստանին. «Տարեք ձեր խաղաղապահներին»

iarex.ru–ն գրում է, որ Ադրբեջանում Ռուսաստանի դեսպան Միխայիլ Բոչարնիկովը բարձր է գնահատել Ղարաբաղում իրավիճակի կարգավորմանն ուղղված աշխատանքները: Մոսկվան դրական է գնահատել Ռուսաստանի, Հայաստանի և Ադրբեջանի փոխվարչապետների աշխատանքային խմբի գործունեությունը, որը ձևավորվել է հետպատերազմյան Ղարաբաղում հաղորդակցությունների ապաշրջափակման համար։ Այս մասին Բաքվում կայացած մամուլի ասուլիսում հայտարարել է Ադրբեջանում ՌԴ դեսպանը։ Նա հիշեցրել է, որ Ադրբեջանի, Ռուսաստանի և Հայաստանի ղեկավարները խմբի աշխատանքին խթան են հաղորդել 2021 թվականի նոյեմբերի 26-ին Սոչիում կայացած հանդիպմանը։

Իսկ ի՞նչ են մտածում այս մասին ադրբեջանական սոցցանցերի օգտատերերը։

Ադրբեջանի նորությունների, մշակույթի և մշակույթի նախաարության մասին հեռագրային ալիքի հեղինակը գրում է. «Դուք, համենայն դեպս հենց Ռուսաստանում, նախ շինանյութով ու էժանագին «եվրոպական ոճի վերանորոգմամբ» եք զբաղվում, հետո խոսում եք Ղարաբաղի մասին։

«Ադրբեջանի զինված ուժեր» հեռագրային ալիքում՝ Ադրբեջանի նորությունների և վերլուծությունների մասին տեղեկատվական և քննարկումների պորտալում, ևս կիսվել են լուրով. «Ադրբեջանում Ռուսաստանի դեսպան Միխայիլ Բոչարնիկովը ասել է, որ հիմա Ղարաբաղում վերականգնողական աշխատանքներին մասնակցելու հայտ է ներկայացրել 14 ռուսական ընկերություն։ Դա ներառում է գյուղատնտեսությունը, շինանյութերը, երկաթուղային գիծը և էներգետիկ օբյեկտների շինարարությունը: Սակայն դեռ պարզ չէ, թե քանի՞ ընկերությունների հայտերը կընդունվեն»։ 

Ալիքի բաժանորդները բազմաթիվ մեկնաբանություններ են թողել այդ լուրի տակ:

Namik Mirbabayev. «Ինչպես տվել եք, այնպես էլ վերցրեք. մեզ ձեր բարությունը պետք չէ, և հետ վերցրեք ձեր խաղաղապահներին»։

Եգանա Ջաբբարովան էլ կարծում է, որ Ադրբեջանը կարող է ինքնուրույն հաղթահարել վերականգնման աշխատանքները.  «Մենք հնարավորություն ունենք զարգացնելու մեր արդյունաբերությունը Ղարաբաղի վերականգնման վրա, ափսոս, որ ամեն ինչ գնում է օտարերկրյա ընկերություններին».

Խասան Ախունդովը նրան պատասխանել է. «Դրա համար պետք էր մի խումբ պաշտոնյաների թափ տալ»։

Telegram-ի օգտատեր @HugoChavez91–ը կարծում է, որ դա ոչ մի լավ բանի չի հանգեցնի.  «Մի օգտագործեք նրանց, հեռու պահեք ռուսներին. նրանք ուզում են ձեռքը առնել մեր նավթը։ Ալեքպերովը (Լուկօյլ) ցանկանում է ավելի շատ նավթահանքեր գնել Բաքվում. ոչ մի դեպքում»:

Օգտատեր Cavid-ը համաձայն չէ նախորդ մեկնաբանողի հետ և արտահայտում է իր տեսակետը. «Ինձ թվում է, որ ձեռնտու է համաձայնել Ռուսաստանից առնվազն 3-4 ընկերության հետ։ Սա և՛ տնտեսապես, և՛ քաղաքականապես ձեռնտու է: Թող ռուսները տեսնեն, որ մենք իրենց գործընկերներն ենք։ Ինչքան վատ լինեն Հայաստանի և Ռուսաստանի հարաբերությունները, այնքան մենք պետք է լավ լինենք»։

@C1hacK. «Բոլորին կվերցնեն»։

Շատ օգտատերեր էլ բացասական են վերաբերվում այն ​​փաստին, որ ռուսական ընկերությունները հայտ են ներկայացրել Ղարաբաղում վերականգնողական աշխատանքներին մասնակցելու համար:

@loveisnara. «Հուսով եմ՝ ոչ մեկը չի լինի: Նպաստել են ոչնչացմանը, այժմ ցանկանում են գումար վաստակել վերականգնման վրա»:

Ռաուֆ Կազիմով. «Մեզ պետք չէ ռուսական ափը»:

Ռաֆայել Հաջիև. «Երկրում գործազրկությունը տանիքից բարձր է, ժողովուրդը աղքատության մեջ է, լավ կլիներ, որ մեր քաղաքացիները ապահովվեին աշխատանքով և ինչ որ եկամուտով».

Atabek Baybars. «Թող սպասեն, մինչև մենք ազատենք մեր հողերը իրենց «խաղաղապահներից»՝ Խանքենդին կվերականգնենք»:

Բայց, այնուամենայնիվ, կան այնպիսիք, ովքեր այնքան էլ կատեգորիկ չեն, օրինակ՝ YouTube-ի օգտատեր Գյունդուզ Ալիևը Բաքվից. «Մենք հարգանքով ենք վերաբերվում ռուս ժողովրդին՝ չնայած անցյալ հարաբերությունների բացասական ֆոնին»։

Նյութը հրապարակման պատրաստեց Կամո Խաչիկյանը

Oragir.live