Սարգսյանը հեռանում է առանց բարեփոխական խոստումները կատարելու
vybor-naroda.org–ը գրում է, որ Հայաստանի նախագահ Արմեն Սարգսյանը հրաժարական է տվել քննադատելով երկրի սահմանադրությունը, որը նրան իր պաշտոնում իրական լիազորություններ չի տալիս։ Նրա հեռանալով երկրում չմնաց ոչ մի բարձրաստիճան պաշտոնյա, ով հավատարիմ չէ վարչապետ Նիկոլ Փաշինյանին և նշանակվել է դեռևս 2018 թվականի «թավշյա հեղափոխությունից» առաջ։
Նախագահ Արմեն Սարգսյանը հրաժարական տալու իր որոշումը բացատրել է նրանով, որ չունի «արտաքին քաղաքականության, տնտեսական, ներդրումային քաղաքականության, սփյուռքի հետ հարաբերությունների վրա ազդեցության գործիքներ»։ Սարգսյանը այդ գործիքների բացակայության պատճառները կապել է գործող սահմանադրության հետ: Հիշեցնենք, որ այն ընդունվել է դեռ 2015 թվականին, իսկ 2020 թվականին պետք է լիներ սահմանադրական հերթական հանրաքվեն, որը չեղարկվել էր համաճարակի պատճառով։
Իհարկե, Սարգսյանը պաշտոնը ստանձնելիս գիտեր նախագահական ինստիտուտի անկատարության մասին։ Պաշտոնը ստանձնելու իր որոշումը նա բացատրել է նրանով, որ փորձել է «անել իրենից կախված ամեն ինչ ներքին պառակտման հետագա խորացումից խուսափելու համար»։ Ակնհայտ է, որ իր պաշտոնավարման 4 տարիների ընթացքում նա համոզվել է նման ջանքերի ապարդյունության մեջ։
Հիմա Սարգսյանի համար ողջամիտ հարց է ծագում. «Ի՞նչ կարգավիճակով է նա այժմ փորձելու ազդել ներքաղաքական կյանքի վրա»։ Ավելին, նա իր հայտարարության մեջ ուղղակիորեն խոսել է «զսպումների և հակակշիռների վրա հիմնված պետական համակարգի ստեղծման» անհրաժեշտության մասին։
Եթե դա անելու է որպես ընդդիմության մեկ այլ առաջնորդ, ապա դժվար թե դա մոտեցնի ազգային կոնսենսուսի ձեռքբերումը և միայն կմեծացնի հասարակության պառակտումը։ Կամ էլ Սարգսյանը մտադիր է ստեղծել որոշակի սահմանադրական հանձնաժողով, որը կզբաղվի քաղաքական բարեփոխումներով՝ 2020 թվականի չկայացած հանրաքվեն դեռ պետք է անցկացվի:
Մյուս հնարավոր տարբերակը, որն այժմ քննարկվում է Հայաստանում, քաղաքականությունից նրա լիակատար հեռանալն է։ Ինչպես արեցին, ասենք, նախկին վարչապետներ Կարեն Կարապետյանը կամ Հովիկ Աբրահամյանը։ Հնարավոր է, որ Սարգսյանին, ինչպես նախկին վարչապետ Տիգրան Սարգսյանին, Մոսկվայում պաշտոն առաջարկեն։ Բայց վերջին երկու տարբերակները, անշուշտ, Սարգսյանին թույլ չեն տա իրականացնել այն ամպագոռգոռ բարեփոխական խոստումները, որոնցով նա հեռանում է նախագահի պաշտոնից։
Նյութը հրապարակման պատրաստեց Կամո Խաչիկյանը
Оппозиционная консолидация: инициатива Самвела Карапетяна становится осью поствыборного периода: «Па...
ВТБ (Армения) выступил спонсором армянского издания знаменитого романа А. Дюма «Три мушкетера»
Газ подорожает, а сельхозпродукция станет дороже золота. «Паст»
Мы не видим необходимости реагировать: Пашинян о признании Израилем Геноцида армян
Новая география общественного доверия: как политическая позиция стала основным инструментом борьбы с...
Нет мандата, «выданного народом»: «Паст»
Боррель: расширение функций ЕК привело к полному хаосу во внешней политике ЕС
Молдавские уроки: почему правительство Армении не уходит? «Паст»
Что пыталась предотвратить власть в Гюмри? «Паст»
Армения заняла 70-е место в Глобальном индексе прав детей KidsRights 2026
