Ադրբեջանի խորհրդարանը Ֆրանսիայի արտգործնախարարից պահանջում է ներողություն խնդրել Ալիևից
eadaily.com–ը գրում է, որ Ադրբեջանի Միլլի Մեջլիսի (Խորհրդարանի) արտաքին հարաբերությունների և միջխորհրդարանական հարաբերությունների հանձնաժողովի նախագահ Սամադ Սեիդովը հայտարարություն է արել Ֆրանսիայի արտգործնախարարի հայտարարությունների առնչությամբ։ «Ֆրանսիայի արտգործնախարար Ժան-Իվ Լը Դրիանը այդ երկրի Ազգային ժողովում, դիվանագետին ոչ հարիր ոճով, միջազգային իրավունքին հակասող հայտարարություն է արել։ Այդ ոճով արված հայտարարությունը ոչ միայն լիովին հակասում է դիվանագիտության ավանդույթներին, այլ նաև հայտարարություն է, որն ուղղված է կառավարության որոշ ներկայացուցիչների և ֆրանսիացի մի շարք պատգամավորների հանցավոր գործողությունները թաքցնելուն»,- ասել է Սեիդովը։
Պատգամավորն այնուհետև ընդգծել է, որ հանրապետության նախագահ Իլհամ Ալիևը «իր իրավացի դիրքորոշումն է հայտնել Վալերի Պեկրեսի Ադրբեջանի Ղարաբաղի շրջան կատարած անօրինական այցի կապակցությամբ»։ «Ադրբեջանի ինքնիշխանության և տարածքային ամբողջականության հիմնարար սկզբունքների նկատմամբ նման արհամարհական վերաբերմունքն անընդունելի է, և դրա կոշտ արձագանքը բնական է, միանգամայն տրամաբանական և ճիշտ։ Ֆրանսիայի նախագահական ընտրությունների թեկնածու տիկին Պեկրեսեի ընտրողներին գրավելու փորձերը ոչ միայն հարված են հասցնում Ադրբեջանի հետ հարաբերություններին, որը միշտ մեծ նշանակություն է տվել միջազգային իրավունքի սկզբունքներին, այլ նաև սադրիչ քայլ է, որն ուղղված է Կովկասյան տարածաշրջանի կայունությունն ու զարգացումը խարխլելուն... ոչ ոքի համար գաղտնիք չէ, որ Ֆրանսիայի կառավարությունը 44-օրյա պատերազմի ժամանակ (Ղարաբաղում 2020թվականի աշնանը) և դրանից հետո եղել է օկուպացիոն Հայաստանի կողքին»,- վրդովված հայտարարել է ադրբեջանցի պատգամավորը։
Սեիդովը խորհրդարանի անունից խորհուրդ է տվել Ադրբեջանի արտաքին գործերի նախարարությանը դիմում ուղարկել Ֆրանսիայի արտգործնախարարին պահանջելով «հերքել նրա ոչ դիվանագիտական հայտարարությունը և ներողություն խնդրել Ադրբեջանի Հանրապետության նախագահից»։
Նյութը հրապարակման պատրաստեց Կամո Խաչիկյանը
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
