Ծանոթ ու միարժամանակ անհայտ … մոտոցիկլ Harley-Davidson
Ի՞նչ ասոցիացիաներ են ունենում մարդիկ, երբ լսում են «Harley-Davidson» արտահայտությունը: Դա, իհարկե, ազատության զգացումն է, շարժիչի աղմուկը և լեգենդար մոտոցիկլի կերպարը: Ցանկացած մարդ կարող է տարբերել Harley- ին այլ մոտոցիկլներից:
Harley-Davidson- ն ունի ավելի քան մեկ դարյա պատմություն: Harley-Davidson Motor ընկերությունը հիմնադրվել է դեռ 1903 թվականին Արթուր Դևիդսոնի և Ուիլյամ Սելվեստեր Հարլիի կողմից: Harley-Davidson ապրանքանիշի ներքո այդ ընկերությունն արտադրում է 5 ապրանքանիշի տարբեր մոտոցիկլներ, որոնք տարբերվում են ոչ միայն անունով, այլ նաև իրենց տարբեր բնութագրերով:
Դասական ամերիկյան մոտոցիկլետները վաճառվում են Softtail ապրանքանիշի ներքո: Այդ մոտոցիկլներն էլ հաճախ անվանում են «Harley Davidson»: Softtail անունը գալիս է հետևի կախոցի տեսքից, որը կրկնօրինակում է 30-40-ականների մոտոցիկլների կոշտ շրջանակը: Softtail մոտոցիկլներն ունեն հատուկ ոտնակներ, որոնք ապահովում են հարմարավետ տեղադրում (Chopper): Ավելի թեթև ու արագաշարժ մոտոցիկլները արտադրվում են Dyna Glide ապրանքանիշի ներքո: Արտաքին տեսքով այն նույնպես հիշեցնում է դասական մոտոցիկլ: Touring ապրանքանիշի մոտոցիկլները նախատեսված են ճանապարհորդելու համար: Դրանք պատրաստված են երկարատև վարման համար. ունեն հատուկ անվտանգության կամարներ, դիմապակի և հակամառախուղային լույսեր: Harley-Davidson ապրանքանիշի տակ արտադրվում է նաև Sportster ապրանքանիշի սպորտային մոտոցիկլը: Այն առաջին անգամ ստեղծվել է 1957 թվականին, ունի սպորտային ղեկ, որն էլ ունի հատուկ կառավարման վահանակ և կարճ թևեր: Այդ ապրանքանիշի ժամանակակից մոդելները հարմար են քաղաքում վարելու համար: Եվ վերջապես նոր սերնդի VRSC ապրանքանիշի մոտոցիկլետները: Նրանք ունեն ժամանակակից դիզայն և մոդիֆիկացված ունակություններ: Այս մոդելը առաջին անգամ թողարկվել է 2001 թվականին և շատ արագ ձեռք բերել հսկայական ժողովրդականություն:
Harley-Davidson ընկերությունը իր պատմության ընթացքում տարբեր վիճակներում է եղել: Համաշխարհային պատերազմների ժամանակ նա արտադրել է մոտոցիկլներ ռազմական նպատակներով: Նույնիսկ խորհրդային բանակն է ունեցել այդ մոտոցիկլների ավելի քան երկու հազար օրինակ: Այսօր Harley-Davidson- ը ոչ միայն մոտոցիկլների, այլ նաև դրա հետ կապված հարակից բոլոր տեսակի ապրանքների, սաղավարտների, ձեռնոցների, կաշվե բաճկոնների և նույնիսկ լամպերի արտադրություն է իրականացնում: Գոյություն ունեն ասոցիացիաների և ակումբների միություններ, որոնք միավորված են այդ մակնիշի մոտոցիկլետների հանդեպ սիրով, որոնք հավաքվում և կազմակերպում են տարբեր տոնակատարություններ և միջոցառումներ: Նման ակումբների անդամների շարքում կան շատ հայտնի և հարգված մարդիկ, որոնք սիրում են մոտոցիկլի նվիրած ազատությունը:
Նյութը հրապարակման պատրաստեց Կամո Խաչիկյանը
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
