Ռասմուսեն․ ՆԱՏՕ-ն պետք է հստակ քայլեր ձեռնարկի Ուկրաինայի և Վրաստանի անդամակցության ուղղությամբ
«Հյուսիսատլանտյան դաշինքը պետք է հստակ քայլեր ձեռնարկի Ուկրաինայի և Վրաստանի ՆԱՏՕ-ին անդամակցության ուղղությամբ», - Politico հանդեսի համար գրված հոդվածում պնդում է դաշինքի նախկին գլխավոր քարտուղար, Դանիայի նախկին վարչապետ Անդերս Ֆոգ Ռասմուսենը։
2009-2014 թվականներին ՆԱՏՕ-ի ղեկավարի պաշտոնը զբաղեցրած Ռասմուսենի համոզմամբ՝ Ուկրաինայի շուրջ ծագած ճգնաժամի պայմաններում դաշինքը պետք է վերջապես կողմնորոշվի՝ կատարո՞ւմ է նախկինում տրված խոստումները․ թե՞ հրաժարվում է դրանցից։
«Մենք պետք է հաղթահարենք Ռուսաստանի նախագահի սահմանած դե ֆակտո վետոն, որ վերաբերում է Ուկրաինայի և Վրաստանի եվրատլանտյան ձգտումներին», - պնդում է Ռասմուսենը։ ՆԱՏՕ-ի նախկին գլխավոր քարտուղարի խոսքով՝ դաշինքը թե՛ Ուկրաինային և թե՛ Վրաստանին լիարժեք անդամակցություն է խոստացել դեռ 2008 թվականին, և «եկել է այդ ուղղությամբ գործողությունների ծրագիրն առաջ քաշելու պահը»։
Ըստ Ռասմուսենի, սակայն, Վրաստանն ու Ուկրաինան Հյուսիսատլանտյան դաշինքին կարող են անդամակցել որոշ վերապահումներով։ Օրինակ, ըստ դաշինքի նախկին ղեկավարի, ՆԱՏՕ-ն կարող է հայտարարել, որ իր կանոնակարգի՝ անդամ պետությունների հավաքական անվտանգությանը վերաբերող 5-րդ հոդվածը Ուկրաինայի և Վրաստանի դեպքում տարածվելու է միայն այն շրջանների վրա, որոնք գտնվում են Կիևի և Թբիլիսիի փաստացի վերահսկողության տակ։
«ՆԱՏՕ-ն չի կարող դաշինքի ընդարձակման հարցում բաց դռների քաղաքականության մասին հայտարարել՝ միաժամանակ թույլ տալով, որպեսզի Վլադիմիր Պուտինը դռնապանի դեր կատարի», - նշում է Ռասմուսենը։
ՆԱՏՕ-ի նախկին գլխավոր քարտուղարի պատկերավոր համեմատություններն այսքանով չեն ավարտվում։ Փորձելով կանխատեսել՝ արդյոք Ռուսաստանը կհարձակվի Ուկրաինայի վրա, Ռասմուսենը գրում է․ - «Պուտինը հմտացել է ձեռակերտ ճգնաժամերի ստեղծման գործում, որոնք ինքն էլ հետո մարում է՝ նմանվելով մի հրշեջի, որ մարում է իր իսկ հրկիզածը»։ Նրա համոզմամբ՝ Կրելը հույս ունի, որ արևմտյան պետությունները, ցանկանալով խուսափել պատերազմից, ի վերջո ուղղակի բանակցությունների մեջ կտնեն Մոսկվայի հետ՝ զիջումներ առաջարկելով և թույլ տալով Ռուսաստանին պահպանել ազդեցությունը հետխորհրդային տարածքում։
«Պուտինի այս ռազմավարությունը կաշխատի, եթե մենք զիջենք», - Politico-ում հրապարակված հոդվածում նշում է Ռասմուսենը՝ ընդգծելով, սակայն, որ առկա ճգնաժամի լուծման միակ տարբերակը ռուսների հետ բանակցելն է։
«Երկխոսությունը կարևոր է, սակայն այն պետք է լինի մեր առաջ քաշած պայմանների հիման վրա և այն հստակ ընկալմամբ, որ իրադրության սրման և սպառնալիքների ներքո Արևմուտքը որևէ պարագայում չի բանակցելու», - նշում է Հյուսիսատլանտյան դաշինքի նախկին գլխավոր քարտուղարը։
Где искать следы отмывания денег? «Паст»
Просто решили не возбуждать уголовное производство — и… всё. «Паст»
«Это издевательство над государственностью». «Паст»
Team Holding объявляет о начале размещения облигаций. Андеррайтером выступает Freedom Broker Armenia...
Проект «Россия с вами»: специальная партия гуманитарной помощи для переселенцев из Нагорного Карабах...
«Почему стрелы были направлены именно в адрес “того, кто разнимает драку”. «Паст»
Почему бывший министр обороны «заговорил сейчас»? «Паст».
Вековая дружба армянского и русского народов: круглый стол с участием экспертов
SIPRI сообщил о рекордных доходах крупнейших производителей оружия в 2024 году
Откуда они взяли «голубиную» технологию? «Паст».
