Յուրի Նավոյանը հրաժարվել է Մոսկվայում Արցախի ներկայացուցչության ղեկավարի պաշտոնից` փոխարենը առաջարկելով համատեղ զորացնել ՌԴ հետ քաղաքական երկխոսության օրակարգը
Վերջերս տեղեկություններ են շրջանառվում, որ Արցախի կառավարությունը մտադիր է նոր կադրի նշանակումով թարմացնել Մոսկվայում իր ներկայացուցչության աշխատանքը: Համաձայն այդ տեղեկությունների, Մոսկվայում Արցախի ներկայացուցչի պաշտոնի համար դիտարկվում է նաև ԴԻԱԼՈԳ կազմակերպության նախագահ Յուրի Նավոյանի թեկնածությունը, հավանաբար, նկատի ունենալով, որ տարիներ շարունակ նա Մոսկվայում զբաղվում է Հայաստանի ու Արցախի խնդիրներով և նման նշանակումը դրական կընդունվի ՌԴ և ՀՀ պետական ու քաղաքական շրջանակներում: Այս տեղեկության իսկությունը ճշտելու նպատակով մենք դիմեցինք պարոն Նավոյանին և ստացանք հետևյալ պատասխանը.
«Այո, բավական ժամանակ առաջ Արցախի բարձրագույն ղեկավարության կողմից ինձ առաջարկվել է ստանձնել Մոսկվայում Արցախի մշտական ներկայացուցչության ղեկավարի պաշտոնը, բայց սիրալիր կերպով հրաժարվել եմ` փոխարենը առաջարկելով համատեղ զորացնել Ռուսաստանի հետ երկխոսությունը և բարելավել դրա բովանդակությունը:
Առանց պաշտոնական հանգամանքի էլ, ինչպես նախկինում, այնպես էլ հիմա, իբրև ԴԻԱԼՈԳ կազմակերպության նախագահ հասարակական դիվանագիտության ճանապարհով շարունակում եմ նպաստել տարբեր ոլորտներում Ռուսաստանի հետ Արցախի համագործակցության զարգացմանը: Իսկ այդ աշխատանքը ընդհանրապես ընդլայնում է հայ-ռուսական երկխոսության և գործընկերության դաշտը` կոնկրետ իրավիճակներում ապահովելով հստակ լուծումներ:
Եվ քանի որ համագործակցում ենք Արցախի պետական համակարգի հետ, ի թիվս լուծումներ պահանջող այլ հարցերի, նաև Մոսկվայում Արցախի մշտական ներկայացուցչության գործունեության վերաբերյալ Ստեփանակերտին համակարգային առաջարկություններ ենք արել մեր կազմակերպության կողմից: Իհարկե, դրանց որդեգրելու նպատակահարմարության հարցը Արցախի կառավարության իրավասության դաշտում է: Միայն նշեմ, որ մեր առաջարկությունները ոչ թե կադրային փոփոխությունների վերաբերյալ են, այլ իրավա-կազմակերպչական բնույթի` ուղղված Արցախի սուբյեկտայնության ապահովմանը»:
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Геноцидоведы: увольнение директора Музея-института Геноцида армян — тревожный сигнал для ученых по в...
Когда дети становятся частью пропаганды: «невинный разговор» или?... «Паст»
