Ազդարա՞ր, թե՞ «գործ տվող». «Փաստ»
«Փաստ» օրաթերթը գրում է.
Կոռուպցիայի դեմ «անհաշտ պայքար» հռչակած Հայաստանի իշխանությունը նոր ճանապարհներ է որոնում կոռուպցիայի դեմ պայքարը հանրայնացնելու համար, որ այն ավելի հրապարակային ու տեսանելի լինի:
Ինչպես հայտնի է՝ բարձրաստիճան պաշտոնյաների էթիկայի հանձնաժողովը վերափոխվում է հակակոռուպցիոն նոր մարմնի: Սրան զուգահեռ էլ իշխանությունը արդարադատության նախկին նախարար, ԱԺ փոխնախագահ Արփինե Հովհաննիսյանի ձեռամբ փորձում է «ազդարարի» ինստիտուտ ներդնել: Ինչ է այն իրենից ներկայացնում. հանրության շրջանում այս համակարգը կարող է ընկալվել «գործ տվող» բնորոշմամբ: Ըստ այդմ՝ ազդարարը «սույն օրենքով նախատեսված կարգով բարեխղճորեն հաղորդում է տեղեկություններ կոռուպցիոն բնույթի դեպքի կամ հանրային շահերին ուղղված այլ վնասի կամ դրանց սպառնալիքի վերաբերյալ»:
Ըստ օրենքի հեղինակ Արփինե Հովհաննիսյանի՝ ազդարարման նպատակներն են՝բացահայտել կոռուպցիոն բնույթի դեպքերը կամ հանրային շահերին ուղղված այլ վնասները, նվազեցնել և կանխարգելել կոռուպցիան, նպաստել կոռուպցիայի նկատմամբ հասարակական անհանդուրժողական վերաբերմունքի ձևավորմանը:
Ընդ որում՝ ազդարարի ինստիտուտը ներդրվում է ինչպես պետական, այնպես էլ ոչ պետական կազմակերպություններում՝ ապրանքային շուկայում մենաշնորհ կամ գերիշխող դիրք ունեցող, ինչպես նաև առողջապահության, սպորտի, կրթության, մշակույթի, սոցիալական ապահովության, տրանսպորտի և կապի, կոմունալ ոլորտներում հանրությանը ծառայություններ մատուցող ոչ պետական կազմակերպություններ:
Ազդարարը կարող է տեղեկություն ներկայացնել ինչպես իր անունից, այնպես էլ անանուն: Ըստ այդմ՝ ստեղծվում է միասնական էլեկտրոնային հարթակ, որը վարելու է ՀՀ կառավարությունը: Ասել է թե՝ կոռուպցիոն շարժերի մասին ողջ տեղեկությունը հավաքագրվելու է կառավարությունում ու այն վերահսկելու է կոռուպցիոն բնույթի տեղեկությունները: Այլ կերպ ասած՝ ստանձնելու է ԱԱԾ գործառույթ:
Օրենքով նաև պատիժներ է նախատեսվում ազդարարին կամ նրան փոխկապակցված անձին վնաս հասցնելու, նրա պաշտոնը իջեցնելու համար: Իսկ եթե ազդարարի ոչ բարեխիղճ գործողությունը պարունակում է հանցագործության հատկանիշներ, հաղորդումը ստացած անձը պարտավոր է անհապաղ այդ մասին հայտնել դատախազությանը:
Կառավարության լիազոր մարմինը երաշխավորում է ազդարարի պաշտպանությունը՝ ապահովելով նրա անանունությունը: Միասնական էլեկտրոնային հարթակ մուտքագրված անանուն յուրաքանչյուր հաղորդման հաշվառումը, քննարկումը, իր իրավասությունների շրջանակներում միջոցների ձեռնարկումը, անհրաժեշտության դեպքում համապատասխան ակտի ընդունումը և դրա փաստացի կատարումը:
Անանուն հաղորդումների ընդունման միասնական էլեկտրոնային հարթակը ստեղծվելու է մինչև 2018 թվականի հուլիսի 1–ը:
Ըստ Արփինե Հովհաննիսյանի՝ կոռուպցիայի կանխարգելման, պետական կառավարման համակարգի արդյունավետության բարձրացման նպատակով առանցքային նշանակություն ունի օրինավոր և բարեխիղճ հանրային ծառայողների դասի ձևավորումը, կոռուպցիայի դեմ պայքարի կրթական և կանխարգելիչ գործառույթների իրականացումը: Բացի այդ, ինստիտուցիոնալ համակարգի արդյունավետ գործողությունն ապահովելու նպատակով անհրաժեշտ է վերջինիս օժտել կոռուպցիայի դեմ պայքարի հաջողելու համար անհրաժեշտ գործիքակազմ:
Մասնավորապես, որպես կոռուպցիայի դեմ պայքարի կարևորագույն գործիք և կառուցակարգ՝ անհրաժեշտ է զարգացնել ազդարարման համակարգ և ստեղծել համապատասխան գործուն կառուցակարգեր:
Ըստ այդմ էլ՝ օրենքի հեղինակն առաջարկում է ներդնել ազդարարի ինստիտուտը. այլ հարց է՝ դա ինչպես կընկալվի հասարակության շրջանում ու ինչ արդյունավետություն կունենա կոռուպցիայի դեմ պայքարում:
Շարունակությունը` «Փաստ» օրաթերթի այսօրվա համարում
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
