ՌԴ-ն առանցքային դեր է խաղում ղարաբաղյան խնդրի լուծման, Հարավային Կովկասում անվտանգության ապահովման հարցում. Փաշինյանը` Պուտինին
Մեր այսօրվա հիմնական հարցը տարածաշրջանային կարգավորումն է՝ երկարաժամկետ կտրվածքով, Մոսկվայում Նիկոլ Փաշինյանին ընդունելիս ասել է Վլադիմիր Պուտինը: Ռուսաստանի նախագահը նշել է, որ Հայաստանի վարչապետի հետ քննարկելու են ընթացիկ հարցերը թե՛ պաշտոնական, թե՛ ոչ պաշտոնական միջավայրում, ապա միասին ճաշելու են:
«Ղարաբաղյան խնդիրը մնում է չկարգավորված, խնդրի լուծման, ինչպես նաև Հարավային Կովկասում անվտանգության ապահովման հարցում Ռուսաստանն առանցքային դեր է խաղում», - իր հերթին հանդիպման մեկնարկին հայտարարել է Հայաստանի վարչապետը:
Սա Հայաստանի և Ռուսաստանի ղեկավարների արդեն չորրորդ դեմ առ դեմ հանդիպումն է այս տարվա մեջ։ Կառավարությունից հայտնում են, որ նրանք քննարկել են նոյեմբերի 9-ի և հունվարի 11-ի եռակողմ հայտարարությունների կատարման ընթացքին, տարածաշրջանում կայունության ամրապնդման, տնտեսական կապերի վերականգնման հետագա քայլերին ու տեղի ունեցող զարգացումներին վերաբերող հարցեր։
Նիկոլ Փաշինյանն ու Վլադիմիր Պուտինն անդրադարձել են նաև հայ-ռուսական դաշնակցային հարաբերությունների օրակարգային, ինչպես նաև ինտեգրացիոն միավորումներում հետագա փոխգործակցությանը վերաբերող հարցերի: Մամուլի ասուլիս կամ հայտարարություն բանակցություններից հետո նախատեսված չէ:
“Коммерсантъ”-ը, օրինակ, հղում անելով Հայաստանի կառավարական օղակներում իր անանուն աղբյուրին, երեկ գրել է, թե Հարավային Կովկասում Իրանի և Թուրքիայի մասնակցությամբ ապակայունացման սպառնալիքը մտահոգում է Երևանին, առավել ևս, որ այդ գործընթացների էպիկենտրոնը գտնվում է Հայաստանի հարավային սահմանների մոտ։ «Հայաստանը ցանկանում է ստանալ իր հարավային շրջանների անվտանգության երաշխիքներ Մոսկվայից», - գրում է պարբերականը։
Արդեն երրորդ օրն է` Մոսկվայում է նաև Հայաստանի պաշտպանության նախարար Արշակ Կարապետյանը: Նա երեկ հանդիպել է ՌԴ պաշտպանության նախարար Սերգեյ Շոյգուի հետ: Հայաստանի ռազմական գերատեսչությունը միայն այսօր հաղորդագրություն տարածեց այցի մանրամասների մասին` հայտնելով, որ նրանք հանդիպման ընթացքում քննարկել են պաշտպանական ոլորտում հայ-ռուսական համագործակցությանը, հայ-ադրբեջանական սահմանային իրադրությանը և տարածաշրջանային անվտանգությանն առնչվող հարցեր:
Երեկ էլ Մոսկվա էր ժամանել Ամենայն Հայոց կաթողիկոսը, նա այսօր հանդիպել է Մոսկվայի և Համայն Ռուսիոյի Կիրիր Պատիրարքի հետ, իսկ վաղը կկայանա տարածաշրջանի հոգևոր առաջնորդների եռակողմ հանդիպում` Ադրբեջանի հոգևոր առաջնորդի մասնակցությամբ: Գարեգին Երկրորդն այսօր շեշտել է, որ հայ ժողովուրդն ու Հայաստանն այսօրվա դժվարին ժամանակները կկարողանան հաղթահարել «Աստծո օգնությամբ», հավատքի, բարեկամ երկրների, առաջին հերթին Ռուսատանի աջակցությամբ:
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
