Հայաստանի և Ադրբեջանի տարածքային ամբողջականության հարցը` կրկին ՄԱԿ-ում
Բաքուն համաձայն է կարգավորել հարաբերությունները Հայաստանի հետ՝ միմյանց ինքնիշխանությունն ու տարածքային ամբողջականությունը ճանաչելու հիմքով, ՄԱԿ-ում հայտարարել է Ադրբեջանի մշտական առաքելության առաջին քարտուղար Վադիմ Գուսմանը։
«Հայաստանի, Ադրբեջանի և Ռուսաստանի առաջնորդների միջև 2020 թվականի նոյեմբերի 9-ին և 2021 թվականի հունվարի 11-ին ստորագրված եռակողմ փաստաթղթերը եզակի հնարավորություն են ստեղծում Հարավային Կովկասում տևական խաղաղություն և անվտանգություն հաստատելու համար՝ միջազգային իրավունքի հիմնարար նորմերի և սկզբունքների հիման վրա», - ըստ ՏԱՍՍ գործակալության` ասել է ադրբեջանցի բարձրաստիճան դիվանագետը։
Վադիմ Գուսմանն ասել է, թե Բաքվի առաջնահերթությունն է վերակառուցել «ազատագրված տարածքները», վերականգնել տրանսպորտային ու հաղորդակցության կապերը՝ տեղահանված անձանց անվտանգ վերադարձի համար։
«Ադրբեջանը բազմիցս հայտարարել է, որ պատրաստ է կարգավորել հարաբերությունները Հայաստանի հետ՝ միմյանց տարածքային ամբողջականության հանդեպ հարգանքի հիման վրա՝ միջազգայնորեն ճանաչված սահմանների շրջանակներում։ Մենք ակնկալում ենք նույն արձագանքը Հայաստանից», - ասել է ՄԱԿ-ում Ադրբեջանի պատվիրակության առաջին քարտուղարը։
Միևնույն ժամանակ ՄԱԿ-ում ՀՀ մշտական ներկայացուցչի տեղակալ Դավիթ Կնյազյանը իր ելույթում ընդգծել է, որ Ադրբեջանը խախտում է Հայաստանի տարածքային ամբողջականությունը:
«2021 թվականի մայիսից սկսած Հայաստանի տարածքային ամբողջականության դեմ զինված ոտնձգությունը Սյունիքի և Գեղարքունիքի ուղղությամբ, որն ուղեկցվում է Ադրբեջանի բարձր ղեկավարության տարածքային անխոհեմ պահանջներով, կարող է ավելի մեծացնել լարվածությունը և ապակայունացնել իրավիճակը տարածաշրջանում՝ լրջորեն սպառնալով տարածաշրջանային և միջազգային խաղաղությանը և անվտանգությանը»,- ասել է հայաստանցի դիվանագետը:
Այսօր Թուրքիայի ԱԳ նախարար Մևլյութ Չավուշօղլուն Լվովի համալսարանում իր ելույթի ժամանակ հայտարարել է, թե Հայաստանի և Ադրբեջանի միջև համագործակցության կարող են հասնել միայն նորարարական և նախաձեռնող դիվանագիտության ճանապարհով:
Նա նշել է, որ Սևծովյան տնտեսական համագործակցության կազմակերպությունը միակ կառույցն է, որը միավորում է վիճելի հարցեր ունեցող երկրներին՝ Ռուսաստանին, Ուկրաինային, Թուրքիային, Հունաստանին, Ադրբեջանին և Հայաստանին: Թուրքիայի արտաքին գերատեսչության ղեկավարը ընդգծել է, որ այս կազմակերպության ստեղծումը 30 տարի առաջ՝ ԽՍՀՄ-ի փլուզումից անմիջապես հետո հենց նորարարական գաղափար էր, և այսօր էլ այդ կառույցը ներդրում ունի տարածաշրջանային համագործակցության խթանման գործում:
Վերջին շրջանում Թուրքիան ջանում է մեծացնել իր ազդեցությունը Կովկասյան տարածաշրջանում և հաշտարարի դեր ստանձնել հակամարտող կողմերի միջև: Անկարայից պարբերաբար դրական հայտարարություններ են հնչում Հայաստանի հետ հարաբերությունների կարգավորման վերաբերյալ: Միևնույն ժամանակ թուրքական իշխանությունները այս գործընթացը կապում են Հայաստան-Ադրբեջան հաշտեցման հետ:
Հայաստանից էլ ամենաբարձր՝ վարչապետի մակարդակով հայտարարում են, որ դեմ չեմ հայ-թուրքական երկխոսությանը, սակայն դա չպետք է կապվի Ադրբեջանի պահանջած Զանգեզուրի միջանցքի հետ։
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
