«Ամերիաբանկն» առաջին մասնաճյուղն է բացել Հրազդանում՝ առաջարկելով արտոնյալ պայմաններով ծառայություններ բոլոր նրանց, ովքեր մինչև տարեվերջ բանկում հաշիվ կբացեն
Հոկտեմբերի 6-ին Հրազդանում բացվեց «Ամերիաբանկի» նոր մասնաճյուղը: Կոտայքի մարզում սա բանկի թվով երկրորդ մասնաճյուղն է: Մասնաճյուղն աշխատում է երկուշաբթիից ուրբաթ՝ ժամը 10:30-ից մինչև ժամը 18:00-ը: Ստեղծված են և՛ օնլայն, և՛ օֆլայն սպասարկման հնարավորություններ՝ կանխիկի մուտքագրման և ելքագրման բանկոմատ, վճարային տերմինալ, հաճախորդներին սպասարկող բարեհամբույր անձնակազմ, հյուրընկալ, կանաչ ու լուսավոր միջավայր: Ի դեպ, նորաբաց «Հրազդան» մասնաճյուղն առաջարկում է արտոնյալ պայմաններով ծառայություններ բոլոր այն ֆիզիկական և իրավաբանական անձանց, որոնք կդառնան «Ամերիաբանկի» հաճախորդ՝ բացելով հաշիվ բանկի այս մասնաճյուղում մինչև 2021 թվականի դեկտեմբերի 30-ը ներառյալ:
Մասնաճյուղի բացման ժամանակ «Ամերիաբանկի» Մանրածախ բանկինգի տնօրեն Արման Բարսեղյանը նշեց՝ բանկն ունի աճի և զարգացման հստակ ռազմավարություն, որի հիմնական ուղղություններից մեկը տեխնոլոգիական, թվային գործիքներն օգտագործելով՝ հաճախորդների սպասարկումն է: «Միևնույն ժամանակ, հաշվի առնելով մեր հաճախորդների բազայի ընդլայնման տեմպերը՝ մենք ընդլայնվում ենք նաև մասնաճյուղային ցանցի առումով, և այն քաղաքներում, որտեղ հաճախորդների կենտրոնացում կա, բացում ենք մեր բանկի մասնաճյուղերը: Մեր ընդհանուր քաղաքականության մեջ Հրազդանը հերթական քաղաքն էր, որտեղ անհրաժեշտություն կար մասնաճյուղ բացելու՝ հաշվի առնելով քաղաքի պոտենցիալը, գործող ձեռնարկությունները և այլ հանգամանքներ: Հիմնական տրամաբանությունը սա է, և այսօրվանից արդեն բանկի «Հրազդան» մասնաճյուղը սկսում է գործել և սպասարկել մեր հաճախորդներին»,-ասում է Բարսեղյանը:
Նշում է՝ սա բանկի չորրորդ մասնաճյուղն է, որ բացվում է այս տարի: «Ունենք առաջնահերթությունների հստակ ցանկ: Այս տարի մարզերում սա առաջին լրացուցիչ մասնաճյուղն է, որ բացում ենք: Մյուս երեք մասնաճյուղերը բացվել են Երևանում՝ Դալմայում, Մաշտոցի պողոտայում և Էրեբունիում: Բացի դա, ընդլայնել ենք Ջերմուկի մեր մասնաճյուղը: Մինչև տարեվերջ նախատեսում ենք ևս մեկ՝ բավականին մեծ մասնաճյուղի բացում՝ այս անգամ Մալաթիա-Սեբաստիա համայնքում: Մասնաճյուղերի բացումը ցույց է տալիս բանկի զարգացման տեմպերը և ընդհանուր առմամբ հաճախորդների բազայի և բիզնեսի ակտիվության տեմպը, որը սպասարկելու համար էլ բանկն ընդլայնում է մասնաճյուղային իր ցանցը»,-ընդգծում է «Ամերիաբանկի» Մանրածախ բանկինգի տնօրենը:
Հավելում է՝ ժամանակային առումով բանկը գործում է տասը տարի և մի փոքր ավելի: «Սրա հետ մեկտեղ երկրի խոշորագույն բանկն ենք: Ընդ որում, խոսքը ոչ միայն թվերի մասին է, որտեղ ակնհայտ է, որ հիմնական ցուցանիշներով երկրի ֆինանսական համակարգի առաջատարն ենք, այլ նաև որակական ցուցանիշներով՝ սպասարկման որակ, թվայնացման մակարդակ և այլն: Չնայած այս տարի հինգ մասնաճյուղ ենք բացել, բայց մեր գործառնությունների 90 տոկոսից ավելին մասնաճյուղերից դուրս է կատարվում: Կարող եք պատկերացնել, թե թվայնացման ինչ մակարդակի մասին է խոսքը: Բոլոր այն քաղաքներում, որտեղ կա հաճախորդների զգալի կենտրոնացում, նույնպես մասնաճյուղեր կունենանք, սակայն հիմնական առաջնահերթությունը մնում են թվային տեխնոլոգիական լուծումները»,-եզրափակում է Արման Բարսեղյանը:
«Ամերիաբանկի» մասնաճյուղային ցանցի և կոնտակտային կենտրոնի ծառայության ղեկավար Անդրանիկ Խաչատրյանն ընդգծում է՝ նորարարական լուծումներով և տեխնոլոգիական հագեցվածությամբ մասնաճյուղ է ստացվել:
««Հրազդան» մասնաճյուղը երկրորդն է Կոտայքի մարզում: Այս մասնաճյուղի միջոցով կկարողանանք տարածաշրջանի հաճախորդների համար ապահովել սպասարկման բարձր որակ: Նոր մասնաճյուղի բացման կապակցությամբ հաճախորդներին առաջարկում ենք մի շարք արտոնյալ պայմաններ, որոնք վերաբերում են ֆիզիկական և իրավաբանական անձանց: Առհասարակ, որպես կանոն, մեր բոլոր նորաբաց մասնաճյուղերում տրամադրում ենք նմանատիպ արտոնություններ: Վստահ ենք, որ նոր մասնաճյուղը սպասարկման նոր որակ կբերի տարածաշրջան»,-շեշտում է Խաչատրյանը:
Նշենք, որ «Հրազդան» մասնաճյուղն առաջարկում է հատուկ պայմաններով հետևյալ ծառայությունները.
Արշավի պայմանները ֆիզիկական անձանց համար
- Մեկ դեբետային կամ կրեդիտային վճարային քարտ` առանց մեկ տարվա սպասարկման վճարի
- Օնլայն/Մոբայլ բանկինգ ծառայությունների անվճար տրամադրում
- Անվճար հաշիվ` ծառայությունների ողջ փաթեթով
- VISA ստիկեր` տարեկան 1500 դրամ (3000 դրամի փոխարեն)
Արշավի պայմանները իրավաբանական անձանց համար
- Օնլայն/Մոբայլ բանկինգ ծառայությունների տրամադրում` մեկ տարի անվճար սպասարկմամբ
- Ընկերության 2 ղեկավարի համար մեկական վճարային քարտ` առանց մեկ տարվա սպասարկման վճարի
- Business տեսակի քարտի տրամադրում ` առանց մեկ տարվա սպասարկման վճարի
Լուսինե Առաքելյան
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Вопрос о лишении их сана должен быть решен немедленно: «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
Для чего нужны представления с названием «литургия»? «Паст»
