Երկրի հյուսիս-արևմուտքում զորավարժություններն ինքնիշխանության հարց էին և ուղղված էին տարածաշրջանում խաղաղության և կայունության ապահովմանը. Իրանի ԱԳՆ-ն պատասխանել է Ալիևին
Իրանի արտգործնախարարության պաշտոնական խոսնակ Սայիդ Խաթիբզադեն հայտարարել է, որ Իրանի հյուսիս-արևմուտքում զորվարժությունների անցկացումն ինքնիշխան հարց էր և որ Իրանի Իսլամական Հանրապետությունը չի հանդուրժի իսրայելական ռեժիմի ներկայություն իր սահմանների մոտ, գրում է irna.ir-ը:
Ադրբեջանի նախագահ Իլհամ Ալիևի՝ Իրանի հյուսիս-արևմուտքում զորավարժությունների թեմայով արած հայտարարությունների մասին հարցին ի պատասխան մամուլի խոսնակը նշել է, որ զարմանալի էր այն, թե ինչպես է Ադրբեջանի նախագահն արտահայտել դիտողությունները, քանի որ երկու երկրները լավ, հարգալից հարաբերություններ ունեն և ամենաբարձր մակարդակներում ունեն շփման նորմալ ուղիներ:
Խաթիբզադեն ասել է, որ Իրանի և Ադրբեջանի արտաքին գործերի նախարարները լրջորեն և սերտորեն քննարկել են այս և այլ հարցեր՝ Նյու Յորքում ՄԱԿ-ի Գլխավոր վեհաժողովի շրջանակում կայացած հանդիպմանը: Ըստ խոսնակի, բարձրաստիճան դիվանագետները համաձայնել են շարունակել բանակցությունները պատշաճ պայմաններում:
Իրանի Իսլամական Հանրապետությունը միշտ մերժել է ցանկացած տեսակի տարածքային օկուպացիա և ընդգծել է երկրների տարածքային ամբողջականության և միջազգայնորեն ճանաչված սահմանների հարգման անհրաժեշտությունը, ընդգծել է Խաթիբզադեն:
Նա հավելել է, որ բարիդրացիության սկզբունքի պահպանումը ամենակարևոր թեմաներից է, որը Իրանը ակնկալում է, որ իր հարևանները պետք է հաշվի առնեն:
Դիվանագետը նաև բացատրել է, որ Իրանի հյուսիսարևմտյան շրջաններում զորավարժությունները ինքնիշխան հարց էին և ուղղված էին տարածաշրջանում խաղաղության և կայունության ապահովմանը:
Իրանի Իսլամական Հանրապետությունը չի հանդուրժի Իսրայելի ռեժիմի ներկայությունը, չնայած ցուցադրական, Իրանի սահմանների մոտ և կանի այն, ինչ անհրաժեշտ է համարում իր անվտանգության համար, եզրափակել է Խաթիբզադեն:
Экологическая «революция» в Сюнике: как удалось избавить деревни от заботы о дровах? «Паст»
Газ подорожает, а сельхозпродукция станет дороже золота. «Паст»
Летняя жара, Ереван без воды и «священная» ценность рукопожатия с Макроном. Катастрофические провалы...
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Генрих Мхитарян продлит свой контракт с «Интером» до 2027 года
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
Боррель: расширение функций ЕК привело к полному хаосу во внешней политике ЕС
