Պատերազմին կարող էինք դիմակայել, եթե ողջ ազգը լիներ բռունցքված, սակայն Արցախը մասնատված էր, Հայաստանը՝ բաժան-բաժան եղած, նախկինների ու ներկաների մաշեցնող թեմաների պատանդ․ Աշոտ Ղուլյան
Արցախի խորհրդարանի նախկին նախագահ Աշոտ Ղուլյանը ֆեյսբուքյան գրառում է արել Արցախի 44-օրյա պատերազմի տարելիցի առթիվ։ Գրառման մեջ ասվում է․
«Անցած մեկ տարվա ընթացքում մենք 365 անգամ անիծել ենք պատերազմն ու այն սկսողներին, 730 անգամ աղոթել ենք մեր սուրբ նահատակների համար, օրը երեք անգամ վիճել ու հաշտվել ենք մեր ընկերների ու հարազատների հետ՝ պատերազմում կրած մեր պարտության, նրա պատճառների ու հետևանքների հարցերով:
Անցյալ տարվա աշնան պատերազմը մեզ վայել պատերազմ չէր, մենք պատրաստ չէինք այդպիսի պատերազմի, այդ պատերազմը մերը չէր: Մենք միայն մեկ, բացառապես մեկ դեպքում կարող էինք դիմակայել մեր դեմ ելած դավադիր թշնամուն, եթե ամբողջ ազգը բռնուցքվեր, հավաքեր իր բոլոր ուժերը՝ Արցախում, մայր Հայաստանում և Սփյուռքում:
2020թ. սեպտեմբերի 27-ի նախօրյակին լրիվ հակառակ պատկերն էր. Արցախը՝ մասնատված համապետական ընտրություններից հետո, Հայաստանը՝ բաժան-բաժան եղած, իշխանափոխությունից հետո սկիզբ առած նախկինների ու ներկաների մաշեցնող թեմաների պատանդ և այդ վիճակից օր-օրի հիասթափվող «անտարբերների» առանձին հատվածներով, և Սփյուռքը՝ երկատված՝ հայրենիքում տեղի ունեցածը հեղափոխություն, թե՞ հակահեղափոխություն որակելու թնջուկի պատճառով…
Ու երբ հարցնում են, թե կարելի էր, արդյո՞ք, խուսափել այսպիսի կործանարար պատերազմից, առաջինը, որ որպես պատասխան հնչում է ականջներիս մեջ, շատ ուսանելի բանաձև է. կարելի էր, եթե մեր կյանքում տեղ չգտներ վերը նկարագրվածը, եթե բարիկադներն ու բաժանարար գծերը կառուցեինք սահմանի վրա և ոչ թե Ստեփանակերտի ու Երևանի կենտրոններում:
Փառք հայրենիքի պաշտպանությանն իրենց կյանքը զոհաբերած տղաներին
Սթափություն և ողջախոհություն բոլորիս»:
Тотально используя административный ресурс, он «ненавидит» административный ресурс? «Паст»
Великая Победа и великий подвиг армянского народа. Арман Варданян
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
