Միջոցառման փոխարեն գուցե անհետ կորածներով հանձնաժողո՞վ ստեղծեիք. Գեղամ Նազարյանը՝ Նիկոլ Փաշինյանին (տեսանյութ)
Ազգային ժողովում կառավարության հետ հարցուպատասխանի հետ ժամանակ «Հայաստան» խմբակցության պատգամավոր Գեղամ Նազարյանը հայտարարեց, որ չկա հանձնաժողով, որը կզբաղվի անհետ կորած զինծառայողների խնդրով:
Նա հարց հնչեցրեց, թե ի՞նչն է պատճառը, որ լուրջ մարմին չստեղծվեց անհետ կորածների հարցով զբաղվելու:
«Գուցե պատճառն այն է, որ այդ տղաների ծնողները խանգարու՞մ են, որ գունագեղ շոուներ լինեն, մի՞թե այս իրավիճակում, երբ ունենք գերիներ, անհետ կորած տղաներ, ունենք թարմ շիրիմներ, ավելի ընդունելի ձև չկար անկախության օրը նշելու, քան փայտով տղերքի ծնողների սիրտը փորփրելն էր գունագեղ շոուով, որը նվիրված է զոհված տղերքին»,- հետաքրքրվեց Նազարյանը:
Նիկոլ Փաշինյանն ասաց, թե ինքը վերջին ամիսներին տասնյակից ավելի հանդիպում է ունեցել անհետ կորածների հարազատների հետ, բայց հանդիպումները չեն լուսաբանվել, իսկ անհետ կորածների հարցով զբաղվող մարմին կա:
«Ես ինքս եմ այդ հարցերը համակարգում ու մեր պետական մարմինները ամենաբարձր մակարդակով զբաղվում են այդ հարցով»,- ասաց Փաշինյանը:
Ինչ վերաբերվում է գունագեղ միջոցառումներին՝ վարչապետն ասաց, որ ինքը ներողություն է խնդրում բոլոր այն մարդկանցից, ում զգացմունքները որևէ կերպ վիրավոր կամ խոցել է նման ձևակերպված:
«Բայց ես ասել եմ, որ մեր տրամադրությունը, ցավոք սրտի, տոնական չէ, բայց նաև կա այլ խնդիր՝ Հայաստանը երեսուն տարեկան է ու նախատեսվող միջոցառման առանցքը հենց մեր նահատակների հիշատակի ընդգծումն է: Նախատեսվում է, որ սեպտեմբերի 21-ին հայտարարվելու է Հայաստանի անկախության ու արցախյան երեք պատերազմում ու պատերազմից դուրս իրենց կյանքը զոհած մեր եղբայրների ու քույրերի հիշատակը հավերժացնող մասշտաբային նախագծի մեկնարկի մասին, որի շուրջ մենք աշխատանքային քննարկումներ իրականացնում ենք արդեն շուրջ վեց ամիս»,- ասաց Փաշինյանը:
«Իմ ընկալմամբ՝ մեր բոլոր նահատակները ընկել են, որ Հայաստանը ապրի, ես այսպես եմ ընկալում ու կարծում եմ, որ սա պետք է լինի այն զոհողությունների մեկնաբանությունը, որոնք մենք ունեցել ենք, որ հայ ժողովուրդը ունեցել է»,- նշեց Նիկոլ Փաշինյանը:
Գեղամ Նազարյանն էլ ասաց, թե տղերքը զոհվել են ոչ թե նրա համար, որ իրենց հիշատակը ցինիզմով հարգեն, այլ, որ գոնե բոլորը սթափվեն ու փոխվեն:
«Էդ տղերքին հանգիստ թողեք, մի օգտագործեք: Դեռ ուշ չէ, եկեք քարը փեշներիցդ թափեք, հայտարարեք, որ ամբողջովին փոխվելու է ձևաչափը, հնչելու են միայն սիմֆոնիկ երաժշտություն ու վերջ»,- նշեց Նազարյանը:
Оппозиционная консолидация: инициатива Самвела Карапетяна становится осью поствыборного периода: «Па...
ВТБ (Армения) выступил спонсором армянского издания знаменитого романа А. Дюма «Три мушкетера»
Газ подорожает, а сельхозпродукция станет дороже золота. «Паст»
Экологическая «революция» в Сюнике: как удалось избавить деревни от заботы о дровах? «Паст»
Мы не видим необходимости реагировать: Пашинян о признании Израилем Геноцида армян
Новая география общественного доверия: как политическая позиция стала основным инструментом борьбы с...
Армянские вина получили высокую оценку авторитетного издания Robert Parker Wine Advocate
Нет мандата, «выданного народом»: «Паст»
Боррель: расширение функций ЕК привело к полному хаосу во внешней политике ЕС
Молдавские уроки: почему правительство Армении не уходит? «Паст»
