Ինչպես են աշխատում ԱԺ պատգամավորները. «Փաստ»
«Փաստ» օրաթերթը գրում է.
ՀՀԿ–ականներ Արթուր Գևորգյանն ու Նահապետ Գևորգյանը, ԲՀԿ–ականներ Ռուբեն Գևորգյանն ու Մուրադ Գուլոյանը այսօր հայտնվել են «Փաստի» ուշադրության կենտրոնում:
Հանրապետականներ Արթուր Գևորգյանն ու Նահապետ Գևորգյանը միևնույն ազգանունն ունենալուց և նույն կուսակցությանը հարելուց բացի ևս մի ընդհանրություն ունեն՝ նրանք պատգամավոր են դարձել միայն կոճակ սեղմելու համար: Նախորդ չորս տարիների ընթացքում այս երկու անձը և ոչ մի անգամ ելույթ չեն ունեցել Ազգային ժողովում, ոչ էլ՝ հարցեր տվել: Արթուր Գևորգյանը երևի ժամանակ էլ չի ունեցել, քանի որ նիստերին այնքան էլ կանոնավոր չի հաճախել՝ բացակայել է 220 անգամ: Բացի այդ ներկա լինելով՝ 119–ն անգամ ընդհանրապես չի քվեարկել: Ինչ վերաբերում է կողմ քվեարկելուն, ապա նա դա արել է 557 անգամ, իսկ իր կուսակիցը՝ Նահապետ Գևորգյանն ավելի շատ՝ 808 անգամ: Երկուսն էլ շատ քիչ են դեմ քվեարկել ԱԺ–ում քննարկվող օրենսդրական նախաձեռնություններին՝ 6–8 անգամ:
ԲՀԿ–ական պատգամավորներ Ռուբեն Գևորգյանն ու Մուրադ Գուլոյանը իրենց գործընկերների համեմատությամբ ավելի քիչ են կողմ քվեարկել: Առաջինը 336, երկրորդը՝ 359–ն անգամ: Գևորգյանը դեմ է քվեարկել 24, ձեռնպահ 72 անգամ, իսկ Գուլոյանը՝ համապատասխանաբար 38 և 51: Վերջիններս, ինչպես իրենց հանրապետական «ընկերները», նույնպես ներկա գտնվելով նիստերին բավական շատ են խուսափել քվեարկելուց՝ Գևորգյանը 145 անգամ չի քվեարկել, իսկ Գուլոյանը՝ 224: Բացակայել են նույնպես շատ՝ 200, 300 նիստեր առանց իրենց մասնակցության են ընթացել: ԲՀԿ խմբակցության պատգամավոր Ռուբեն Գևորգյանն էլ նշված բոլոր պատգամավորներից առանձնանում է նրանով, որ չի խուսափել Ազգային ժողովի ամբիոնից, նա ելույթներ է ունեցել:
Արթուր Գևորգյանը միայն մեկ նախաձեռնության համահեղինակ է՝ Քրեական դատավարության օրենսգրքի վերաբերյալ: Բայց սրանով իսկ արդեն նա առանձնանում է մյուս թվարկվածներից, քանի որ միակ գոնե մեկ նախաձեռնություն ունեցող պատգամավորն է: Նրա դրամական միջոցները 2015 թ. դրությամբ կազմել են 489 միլիոն դրամ: Նահապետ Գևորգյանը ո՛չ նախաձեռնություններ ունի, ո՛չ էլ դրամական միջոցներ, ըստ իր 2015 թ. հայտարարագրի նա միայն մոտ 7 միլիոն դրամ եկամուտ ունի: Ռուբեն Գևորգյանի դրամական միջոցներն էլ զրոյական են, միայն 4 միլիոն 500 հազար դրամ եկամուտ է ունեցել նախորդ տարի: Մուրադ Գուլոյանը պատգամավորներից թերևս միակն է, ով ոչ միայն կրկնապատկել է, այլև եռապատկել իր ունեցվածքը՝ 270 միլիոն դրամից հասցնելով 916 միլիոն դրամի:
Շարունակությունը` «Փաստ» օրաթերթի այսօրվա համարում:
Экологическая «революция» в Сюнике: как удалось избавить деревни от заботы о дровах? «Паст»
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
Ложная дилемма мандатов: почему тема парламентского бойкота оппозиции - пустая повестка дня? «Паст»
Рубинян: В случае избрания председателем парламента Армении я больше не буду спецпосланником на пере...
