Վրաստանում բարդ իրավիճակ է COVID-ով ախտահարվածների համար մահճակալների առումով. առողջապահության նախարար

Վրաստանում բարդ իրավիճակ է COVID-ով ախտահարված հիվանդների համար մահճակալների առումով: Այդ մասին, ինչպես տեղեկացնում է «Արմենպրես»-ը, հայտարարել Է առողջապահության նախարարության ղեկավար Էկատերինե Տիկարաձեն:

«Հիվանդների վիճակը հոսպիտալներում ուշադրություն է պահանջում, քանի որ 1,5 հազարից ավելի մարդ բուժվում է ինտենսիվ թերապիայի բաժանմունքներում, իսկ 500 հիվանդ՝ վերակենդանացման բաժանմունքներում»,-նշել է Տիկարաձեն:

Հետազոտությունը, որն անցկացվել է երկրում, ցույց է տվել, որ այսօրվա դրությամբ Վրաստանի կլինիկաներում հիվանդների 95 տոկոսը պատվաստում չստացած անձինք են:

«Սա մեկ անգամ ևս ընդգծում է, թե որքան արդյունավետ զենք է պատվաստվելը քովիդ-համավարակը կառավարելու և վարակվելուց պաշտպանվելու գործում: Այնպես որ ես ևս մեկ անգամ մեր բոլոր քաղաքացիներին խնդրում եմ՝ ակտիվանալ և ընդգրկվել պատվաստվողների կազմում, ինչպես նաև ինտենսիվ կերպով օգտագործել դիմակ»,-հորդորել է Տիկարաձեն:

Ըստ վերջին տվյալների, Վրաստանում կորոնավիրուսի դեմ պատվաստում է ստացել 831 815 մարդ, նրանցից երկու լրիվ չափաբաժիններն ստացել է 245 հազար 207 քաղաքացի: Վրաստանի հիվանդությունների և հանրային առողջության հսկման ազգային կենտրոնի վիճակագրական տվյալների համաձայն, ամենից շատ ներարկումներն արվել են Թբիլիսիում (7461): Տիկարաձեն չի բացառել, որ եթե Վրաստանում համաճարակաբանական իրադրությունն էլ ավելի վատթարանա, ապա կսահմանվեն լրացուցիչ սահմանափակումներ:

Ավելին․․․