Ինքնասպանությունը մեր զինվորների վրայով չի. Մարգարիտա Խաչատրյան (Մառոզ)

«Գնալով մեր բանակի կորուստների քանակն ավելանում է, բայց մենք մեր բանակը փնովելու իրավունք չունենք: Միջադեպեր քաղաքացիական կյանքում էլ են լինում: Փոխհարաբերություններ քաղաքացիական կյանքում էլ են պարզում, կրակոցներ հնչում և սպանություններ լինում»,- «Առաջին լրատվական»-ի հետ զրույցում ասաց «Զինվոր» հասարակական խորհրդի նախագահ Մարգարիտա Խաչատրյանը (Մառոզ): Միևնույն ժամանակ, տիկին Մարգարիտայի խոսքով, դա չի նշանակում, որ կարելի է արդարացնել այդ դեպքերը և որևէ կերպ մխիթարել որդեկորույս մայրերին, իսկ մյուսներին հույս տալ, ասել, որ մեր բանակը շատ լավն է, ապահով է:

«Ես չեմ կարող ասել, թե դեպքերն ինչու են աճում: Բայց եթե դուք լինեք առաջին գծում, խրամատում, կտեսնեք, որ մեր տղաները ծառայում են կրակի տակ: Դարանակալած թշնամին ոչ մի վայրկյան հանգիստ չի տալիս»,- ասաց նա:

Բայց մտահոգիչ է հատկապես ոչ մարտական պայմաններում զոհերի թիվը՝ նկատեցինք: «Խրամատում ոչ մարտական հարաբերություններ ասվածը չկա: Եթե դեպքը տեղի է ունենում մարտական դիրքում, եթե զենքի անզգույշ վարվելուց զինվոր է զոհվում, դա չի նշանակում, որ նորին փոխհարաբերությունների ինչ-որ խնդիր կա: Կա պահ, որ զինվորը փորձում է զենքը լիցքավորել, որ հակառակորդին զսպի, բայց անզգույշ վարվելուց գնդակը դիպչում է իրեն կամ ընկերոջը: Թե չէ մեր տղաները հզոր են, կայացած: Ինքնասպանության վարկածը, հոդվածը մեր զինվորների վրայով չի: Մեր զինվորները չեն կարող ինքնասպան լինել»,- ասաց տիկին Մարգարիտան:

Մանրամասները` սկզբնաղբյուր կայքում