Սահմանին կայուն ապաէսկալացիան կարող է ապահովվել միայն Հայաստանի և Ադրբեջանի միջև սահմանազատման աշխատանքների անհապաղ գործարկմամբ՝ դրան հաջորդող սահմանագծմամբ. ՌԴ ԱԳՆ
ՌԴ ԱԳՆ ներկայացուցիչ Ալեքսանդր Բիկանտովն օգոստոսի 5-ին կայացած ճեպազրույցի ժամանակ անդրադարձել է ադրբեջանական կողմի խոչընդոտող գործողություններին հայ ուխտավորների՝ Արցախի վանական համալիրներ այցելությունների ժամանակ, ինչպես նաև պատասխանել Բաքվում հայ գերիներին անօրինաբար դատելու մասին հարցին:
«Մենք միշտ հատուկ ուշադրություն ենք դարձրել Լեռնային Ղարաբաղի և հարակից շրջանների պատմամշակութային ժառանգության հարցերին, քանի որ վստահ ենք, որ դա կարևոր հումանիտար հարց է, որը մենք կանոնավոր կերպով բարձրաձայնում ենք և՛ Բաքվի, և՛ Երևանի պաշտոնական ներկայացուցիչների հետ շփումներում»,- ասել է Բիկանտովը՝ հավելելով, որ ռուս խաղապահներն ուղեկցում են Դադիվանք, Ամարաս և Գանձասար վանական համալիրներ այցելելիս:
Վերջինս նշել է, որ ռուսական կողմն աջակցում է ՅՈւՆԵՍԿՕ-ի առաքելության գործունեության շուտափույթ կազմակերպմանը՝ տեղում իրավիճակին գնահատական տալու համար: Նրա խոսքով՝ խնդիրը գտնվում է ԵԱՀԿ Մինսկի խմբի համանախագահների տեսադաշտում:
Անդրադառալով Բաքվում հայ գերիների դատավարությանը՝ ՌԴ ԱԳՆ ներկայացուցիչը նշել է, որ բազմիցս մեկնաբանել են այդ հարցը, և ռուսական կողմի դիրքորոշումը չի փոխվել:
«Վերահսկողության տակ ենք պահում հարցը, շփումները շարունակվում են ինչպես նաև երկու երկրի պաշտպանության նախարարությունների գծով: Օգոստոսի 2-ին աշխատանքային հանդիպումներ են կայացել ռուսական խաղաղապահ զորակազմի ղեկավար Ռուստամ Մուրադովի և ադրբեջանական կողմի ներկայացուցիչների հետ»,- հավելել է դիվանագետը:
Դիվանագետը խոսել է նաև հայ-ադրբեջանական սահմանի երկայնքով ռուս սահմանապահների տեղակայման հարցի մասին՝ շեշտելով, որ այդ գործողության իրականացմանը «խոչընդոտող խնդիրներից է միջազգային իրավարար ձևակերպման դաշտի բացակայությունը, որն ընկած է կողմերի փոխադարձ վստահության բացակայության հիմքում»:
Ավելին․․․
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
