Սահմանային լարվածությամբ Բաքուն փորձում է ուժեղացնել իր բանակցային դիրքերը. «Փաստ»
«Փաստ» օրաթերթը գրում է.
Մեր հյուրն է ՀԱԿ վարչության անդամ Վլադիմիր Կարապետյանը
– Արդեն մի քանի օր է՝ շփման գծում վիճակը բավականին լարված է: Ընդ որում, ուշագրավ է, որ վիճակն առավել խիստ գույներով ներկայացնում է ադրբեջանական կողմը:
– Ըստ էության, ոչ մի նոր բան տեղի չի ունենում: Լարվածությունը պայմանավորված է նրանով, որ բանակցություններում առաջընթաց չկա: Միևնույն ժամանակ կան հանդիպումների վերաբերյալ նախնական պայմանավորվածություններ: Հնարավոր է՝ կողմերը փորձում են բանակցություններից առաջ ավելի ուժեղացնել իրենց դիրքերը:
– Ուշագրավ է, որ «Оса»–ի պատմությանը նախորդել էր Մամեդյարովի այն հայտարարությունը, որ «տարածքներ՝ խաղաղության դիմաց» բանաձևը բխում է բանակցությունների տրամաբանությունից: Դա պատահականությո՞ւն էր:
– Այստեղ էլ նորություն չկա: Դա Ադրբեջանի դիրքորոշումն է, որը չի համապատասխանում մեր մոտեցմանը: Նախևառաջ՝ կարգավիճակ կամ կարգավիճակի շուրջ կոնկրետ, հստակ պայմանավորվածություններ: Դա նախատեսված է այն փաստաթղթով, որը դրված է սեղանին: Կարծում եմ՝ Մամեդյարովը փորձում է ցանկալին ներկայացնել իրականության փոխարեն: Ադրբեջանի արտգործնախարարի դիրքորոշումը չի համապատասխանում իրականությանը:
– Ընդ որում, Մամեդյարովի հայտարարությունից օրեր առաջ նրա տեղակալ Ազիմովը ներկայացրեց ԼՂ վերջնական կարգավիճակի շուրջ հանրաքվե անցկացնելու ադրբեջանական պատկերացումները: Ու դա այն դեպքում, երբ կարծես թե նման հայտարարության համար հիմքեր չկային: Դիվանագիտական դաշտում ինչ–որ լուրջ բա՞ն է տեղի ունենում:
– Չեմ կարծում: Այն, ինչ տեղի է ունենում, հրապարակային հայտարարվում է: Այս պահին նախապատրաստվում է հանդիպում: Իսկ այն, որ ադրբեջանցիք փորձում են ներկայացնել իրենց մոտեցումները և համոզել միջազգային հանրությանը կամ առաջին հերթին իրենց հասարակությանը այն կետերի առնչությամբ, որոնք չկան փաստաթղթում, ցույց է տալիս նրանց վերաբերմունքը: Միևնույն ժամանակ կարծում եմ՝ բանակցությունները պետք է շատ ակտիվորեն շարունակվեն, և կողմերը համաձայնության գան սեղանին դրված փաստաթղթի շուրջ:
– Արդեն հունիսին նախատեսված է համանախագահների այցը տարածաշրջան: Նոր զարգացումներ հնարավո՞ր են:
– Եկեք կանխատեսումներ չանենք, որովհետև դա արդարացված չէ ցանկացած պարագայում: Կանխատեսումներ ավելի հաճախ անում են քաղաքագետները: Ես ձեռնպահ կմնամ: Գիտեմ, որ բարձր մակարդակով ակտիվ շփման շրջան է: Հույս ունեմ, որ առաջիկայում ավելի բարձր մակարդակի հանդիպումներ տեղի կունենան:
– Ի դեպ, մի քանի օր առաջ նախագահների հնարավորինս արագ հանդիպման հույս էր հայտնել նաև ամերիկացի համանախագահ Հոգլանդը:
– Պետք է նախապատրաստվի նման հանդիպում: Հույս ունեմ, որ այն կհասունանա:
– Վերադառնալով սահմանային լարվածությանը: Օրերս ԱՄՆ հետախուզությունը զեկույց էր պատրաստել, որտեղ ընդգծել էր ռազմական լայնածավալ գործողությունների վերսկսման վտանգը: Հաշվի առնելով այս օրերի աճող լարվածությունը՝ որքանո՞վ է իրատեսական իրադարձությունների զարգացման այդ տարբերակը:
– Եթե բանակցություններում առաջընթաց չլինի, դա կարող է դրդել Ադրբեջանին դիմելու ավելի նյարդային քայլերի հենց սահմանագծում: Ուստի ակտիվ բանակցային գործընթացը և պայմանավորվածությունների ձեռքբերումը պետք է զսպող դեր խաղա նման լարվածության աճի համար: Միևնույն ժամանակ մեր Զինված ուժերը պետք է հստակ պատասխանեն և հնարավորություն չընձեռեն Ադրբեջանին որևէ առավելության հասնելու թե քարոզչական, թե ռազմական դաշտում:
Շարունակությունը` «Փաստ» օրաթերթի այսօրվա համարում
Лидер Движения «Всеармянский фронт» Аршак Карапетян проведёт пресс-конференцию на тему «События на Ю...
Бывшие руководители Словакии требуют от Никола Пашиняна прекратить политические преследования и давл...
День благодарности клиентам - на этот раз в филиале IDBank «Эребуни»
Мы не хотим, чтобы сатана, пришедший к власти, судил христиан за их поступки
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
А сейчас Алиев требует закрыть АЭС.Браво, господа, аплодисменты
Мгер Ананян вошел в состав Правления Юнибанка
