«ՀՀԿ-ի` Արաբկիրի տարածքային շտաբն ընտրակաշառք բաժանելու ո´չ մտադրություն ունի, ո´չ ծրագիր»
Henaran.am-ը գրում է.
«Ելք» դաշինքից ընտրված պատգամավոր Գևորգ Գորգիսյանը Facebook սոցիալական ցանցում գրել է, թե Երևանի ավագանու ընտրություններին ՀՀԿ-ի` Արաբկիրում գտնվող շտաբում ընտրակաշառք են բաժանում: Նա հրապարակել է տեսանյութ, որտեղ ցուցադրում է, որ մարդկանց կուտակումներ կան:
Henaran.am-ի հետ զրույցում «Հանրապետական» կուսակցության Արաբկիրի տարածքային շտաբի պետ Հրայր Անտոնյանը հավաստիացրեց, որ նման բան չկա. «Նախ խնդրում եմ Ազգային ժողովի այլևս ընտրված պատգամավորին ապատեղեկատվություն չտարածել, երևակայությանը զոռ չտալ և չփնտրել ընտրակաշառք այնտեղ, որտեղ գոյություն չունի: «Հանրապետական» կուսակցության` Արաբկիրի տարածքային շտաբն ընտրակաշառք բաժանելու ո´չ մտադրություն ունի, ո´չ ծրագիր»,-ասաց նա:
Ինչ վերաբերում է կուտակումներին, ապա Հրայր Անտոնյանն ընդգծեց. «Եթե ինքը չգիտի, միգուցե նոր է ընտրություններին մասնակցում, ասեմ` շատ բնական է, որ ընտրական շտաբների մոտ կան քաղաքացիներ, ովքեր մեր ակտիվիստներն են, մեր համախոհներն են, ՀՀ քաղաքացիներ են, և զարմանալի կլինի, որ շտաբների մոտ չլինեն քաղաքացիներ»:
Արաբկիրի շտաբի պետը կոչ արեց «Ելքի» գործընկերներին զբաղվել ավելի օգտակար գործով և երևակայությանը զոռ չտալ, ապատեղեկատվություն էլ չտարածել: «Հույսով եմ, որ նրանք ականջալուր կլինեն մեր գնահատականներին: Իսկ եթե որևէ մեկն ունի ընտրակաշառքի կամ ընտրախախտումների վերաբերյալ որևէ տեղեկատվություն, առաջարկում եմ դիմել իրավապահ մարմիններին: Եվս մեկ անգամ կտրականապես հերքում ենք, որ նման բան կա: Մեր հասարակությունն է, Տարոն Մարգարյանի շտաբն է, մարդիկ գալիս են շտաբ, ի՞նչ խնդիր կա»,-եզրափակեց Հրայր Անտոնյանը:
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
