Նիկոլ Փաշինյանի կադրային քաղաքականությունը 2018-ից մինչ օրս ունի մեկ սկզբունք՝ բոլոր կադրերը պետք է հավատարիմ լինեն անձամբ իրենց․ Արմեն Բադալյանը՝ Արմեն Գրիգորյանի նշանակման մասին
Արտահերթ ընտրությունները մեծամասամբ ոչինչ չփոխեցին, քանի որ այն խնդիրը, որը առկա էր, այդպես էլ մնաց, այս մասին Tert.am-ի հետ զրույցում ասաց քաղտեխնոլոգ Արմեն Բադալյանը՝ անդրադառնալով արտահերթ ընտրությունների ընթացքին և հետընտրական փուլին:
«Ընտրությունների ազնվությունը, թափանցիկ ընթացքը մեծ հարցականի տակ է, քանի որ ընդդիմադիր ուժերի կողմից ՍԴ ներկայացված փաստարկները բավականին հիմնավոր են, և նրանք ցույց են տալիս, որ արդար-ազնիվ ընտրություններ տեղի չեն ունեցել, իսկ եթե այդպիսի ընտրություններ չեն եղել, բնականաբար չի լուծվել ամենակարևոր հարցը՝ իշխանությունը, որը Հայաստանին տարավ պարտության, չի փոխվել, եթե այն դեռ չի փոխվել, ապա ճգնաժամը չի ավարտվել»,- ասաց Արմեն Բադալյանը:
Քաղտեխնոլոգը նաև անդրադարձավ «Զանգեզուրի միջանցքի» ծրագրին, հետագա գործողություններին և պայմանագրերին Ադրբեջանի և Հայաստանի միջև՝ նշելով, որ միջազգային հանրությունը տեսնում է, որ Հայաստանի հանրությունը հրապարակային կերպով որևէ կերպ չի դիմադրում կեղծ ընտրություններին և իշխանության վերարտադրմանը, իսկ դա ունենալու է ցավալի հետևանքներ Հայաստանի համար:
«Նիկոլ Փաշինյանը պետք է կատարի բոլոր այն ծրագրերը, որոնք միջազգային խաղացողները կպարտադրեն Հայաստանին։ Եթե միջազգային խաղացողները տեսնեն, որ հասարակությունը չի դիմադրում կեղծված ընտրություններին, որի արդյունքում իշխանությունը պահպանվում է, միջազգային հանրությունը պարտադրելու է բոլոր այն ծրագրերը, որոնք բխում են իրենց շահերից, այսինքն՝ նույն միջանցքի բացումը, նոր տարածքների հանձնումը և այլն»,- ասաց նա։
Արմեն Բադալյանը նաև անդրադարձավ Սահմանադրական դատարանում հունիսի 20-ին կայացած արտահերթ խորհրդարանական ընտրությունների արդյունքներն անվավեր ճանաչելու գործընթացին և նշեց, որ ՍԴ որոշումից են կախված «Հայաստան» և «Պատիվ ունեմ» դաշինքների հետագա գործողությունները:
«Կախված նրանից, թե ՍԴ-ն ինչ որոշումներ կկայացնի, այդտեղից տարբեր լուծումներ կարող են լինել, բայց Սահմանադրական դատարանը կկայացնի այն որոշումը, որը միշտ է եղել, այսինքն՝ տեղի ունեցած ընտրախախտումները էականորեն չեն ազդել ընտրական գործընթացի վրա և բնականաբար չի պարտադրի ձայների վերահաշվարկ և չի չեղարկի արտահերթ ընտրությունների արդյունքները»,- նշեց քաղտեխնոլոգը:
Արմեն Բադալյանը նաև ընդգծեց, որ երկու դաշինքների ներկայացուցիչները ՍԴ որոշումից հետո պետք է գնան և վերցնեն մանդատները և ծավալեն օրենսդրական գործունեություն, այդ դաշինքներին ընտրած մարդկանց իրավունքները չպետք է անտեսվեն խորհրդարանում։ Նա նաև մատնանշեց, որ ընդդիմադիր թևի պատգամավորները հնարավորություն են ունենալու նաև միջազգային կառույցների անդամներ դառնալ:
«Այդ ընտրազանգվածի շահերը պաշտպանող օրենսդրական գործունեություն պետք է իրականացվի երկու դաշինքների կողմից: Նրանք պետք է օգտագործեն խորհրդարանի գլխավոր ամբիոնը, որպեսզի խորհրդարանի և պատգամավորի լիազորությունների մեջ մտնող բոլոր հնարավոր գործունեությունները իրականացվեն հօգուտ ժողովրդի»,- ընդգծեց նա:
Քաղտեխնոլոգն անդրադարձավ «Հայաստան» դաշինքի ներկայացուցիչներ Վահե Հակոբյանի և Իշխան Սաղաթելյանի երեկվա ասուլիսին և մեկնաբանեց Իշխան Սաղաթելյանի հայտարարությունը, որ փողոցային պայքարը շարունակվելու է և առաջիկայում կարևորվելու են անհնազանդության ակցիաները:
«Գործողությունները պետք է լինեն համակարգված։ Եթե միայն փողոցային պայքարն առաջ տանեն, հաջողության չեն հասնի, ինչպես նաև, եթե առաջնորդվեն միմիայն խորհրդարանական պայքարով, բայց երկու պայքարների միջոցով, այսինքն՝ խորհրդարանական և արտախորհրդարանական պայքարի մեթոդներով, ապա նրանք կհասնեն հաջողության, որտեղ դրված կլինեն հստակ պահանջներ, բայց ուղղակի հանրահավաքներ կազմակերպելն իր պտուղները չի տա»,- ասաց Արմեն Բադալյանը:
Նա նաև խոսեց վարչապետի պաշտոնակատար Նիկոլ Փաշինյանի կադրային քաղաքականության մասին՝ ընդգծելով, որ ռուսական կողմի համար պահանջ է եղել, որ Արմեն Գրիգորյանը լքի Անվտանգության խորհրդի քարտուղարի պաշտոնը։ Ըստ նրա՝ Արմեն Գրիգորյանին ԱԳ փոխնախարար նշանակելով՝ Փաշինյանը ցույց է տալիս, որ ուզած-չուզած ինքը հաշվի է առնում ռուսական կողմի պահանջները:
«Նիկոլ Փաշինյանի կադրային քաղաքականությունը նույնն է, ինչ 2018 թվականին, և այդ գործունեության մեջ ընկած է մեկ սկզբունք, որ բոլոր կադրերը պետք է հավատարիմ լինեն անձամբ Նիկոլ Փաշինյանին, քանի որ այս իշխող ուժը 2018-ից մինչ օրս չունի պատկերացումներ Հայաստանի ապագայի վերաբերյալ և այն սկզբունքը, որ կադրերը պետք է նշանակվեն ապագա կառուցելու համար, բացակայում է, և այս խնդիրը հատկապես առկա է դատաիրավական համակարգում»,- մեկնաբանեց նա:
Тотально используя административный ресурс, он «ненавидит» административный ресурс? «Паст»
Великая Победа и великий подвиг армянского народа. Арман Варданян
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
