Զբոսաշրջային ոլորտը չի կարողանում անգամ կրիայի քայլերով զարգանալ. «Փաստ»
«Փաստ» օրաթերթը գրում է.
Ամառն ուր որ է կթակի բոլորիս դռները, սակայն զբոսաշրջության պետական կոմիտեն դեռևս զբաղված է ոլորտում ՏՏ լուծումների ներդրման խնդիրներն ուսումնասիրելով ու նոր առաջարկներ ու գաղափարներ ընդունելով:
Կոմիտեի կազմավորման առաջին իսկ օրից թվում էր, թե այն եկել է կարգավորելու բարձիթողի վիճակում գտնվող զբոսաշրջային ոլորտը: Բայց մինչ օրս այդպես էլ պարզ չէ, թե այս ընթացքում զբոսաշրջային ընկերությունների հոգսերը թեթևացնելու համար ուսումնասիրություններ կատարելուց բացի ինչ գործնական քայլեր են իրականացվել:
Ու թեև մայիսի 5–ին կայացած ՀՀ տնտեսական զարգացման և ներդրումների նախարարության զբոսաշրջության պետական կոմիտեի նախագահ Զարմինե Զեյթունցյանի ու ՏՏ ոլորտի ներկայացուցիչների հանդիպման ժամանակ քննարկվել են ոլորտի ինովացիոն զարգացման նախագծեր, բայց թե այս տեմպերով ոլորտը զարգացնելու համար քանի սեզոն հարկավոր կլինի, ոչ ոք չի կարող ասել:
Ստացվում է, որ զբոսաշրջային ոլորտում նույնպես ճառ ասողների պակաս չկա, բայց երբ գալիս է զանգ կախելու ժամանակը, պարզվում է, որ նորից չենք կարողանում ժամանակի և տարածության մեջ պատշաճ տեղավորվել:
Հիմա հարց է ծագում, թե ինչի՞ համար հայ–հարայ–հրոցով ստեղծվեց այդ կոմիտեն: Հարց է ծագում նաև, թե արդյո՞ք այս ընթացքում կառույցն ընդհանրապես կարողացել է արդարացնել իր գոյությունը: Անկեղծ ասած բոլոր ուսումնասիրությունները խոսում են այն մասին, որ իրականում կոմիտեի անունը կա, բայց իրենց կատարած գործը՝ չկա: Ի դեպ, մինչ օրս կոմիտեն անգամ սեփական կայք չունի, որ ոլորտով հետաքրքրվողները կարողանան այդ կայքից օգտվել:
Եվ եթե սեփական գոյությունն արդարացնելու համար ինչ–որ մեկը փորձի այս կամ այն փառատոնի մասին խոսել, ապա հիշեցնենք, որ նման փառատոներ անցկացվում էին նաև առանց այդ կոմիտեի: Իսկ կառույցը ստեղծվել է ավելի լուրջ հարցեր լուծելու համար: Բայց եթե ոլորտի պատասխանատուներն այնուամենայնիվ համարում են, որ իրենք նման միջոցառումներ կազմակերպելու համար են ստեղծվել, ապա հիշեցնենք, որ ոլորտում ավելի լուրջ խնդիրների չլուծվելու պատճառով է, որ Հայաստանում զբոսաշրջային բիզնեսը կրիայի քայլերից ավելի դանդաղ տեմպերով է զարգանում:
Շարունակությունը` «Փաստ» օրաթերթի այսօրվա համարում
Лидер Движения «Всеармянский фронт» Аршак Карапетян проведёт пресс-конференцию на тему «События на Ю...
Бывшие руководители Словакии требуют от Никола Пашиняна прекратить политические преследования и давл...
День благодарности клиентам - на этот раз в филиале IDBank «Эребуни»
Мы не хотим, чтобы сатана, пришедший к власти, судил христиан за их поступки
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
А сейчас Алиев требует закрыть АЭС.Браво, господа, аплодисменты
Мгер Ананян вошел в состав Правления Юнибанка
