Իշխող կուսակցությունը արկղերի մեջ 30 տոկոսից ավել ձայն չի ունեցել․ Վահե Հակոբյան (տեսանյութ)

Իմ համոզմամբ՝ իշխող կուսակցությունը արկղերի մեջ 30 տոկոսից ավելի ձայն չի հավաքել: Այսօր դատախազության դիմաց ի աջակցություն բժիշկ Արմեն Չարչյանի բողոքի ակցիայի ժամանակ ասաց «Հայաստան» դաշինքի առաջնորդներից Վահե Հակոբյանը:  

Խոսելով դաշինքի մանդատները վերցնելու կամ չվերցնելու մասին խոսակցությունների մասին՝ Հակոբյանը նշեց, որ մեկ ուժ են և ցանկացած որոշում լինելու է միասնական: Խոսելով Նիկոլ Փաշինյանի՝ մյուս ուժերին համագործակցության առաջարկների մասին` վերջինս շեշտեց՝ «Աստված չանի Փաշինյանից համագործակցություն առաջարկ ստանանք, նա մեզ համար դիտարկվում է որպես թշնամի: Այն ուժերը, որոնք գնացին և բանակցեցին նրա հետ, այս երևույթը միայն կարող եմ քաղաքական անբարոյականություն անվանել, որ ավելի կոպիտ չլինի»:

Վահե Հակոբյանը դիտարկեց, որ այս իշխանության համար կարևոր էր, որ Սյունիքից շատ ձայներ հավաքեին, բայց ըստ նրանց տվյալների՝ Սյունիքում քվեարկել են շուրջ 15 հազար զինվորական և եթե սա չհաշվեն, պարզ կլինի, թե Սյունիքում իրականում ինչ արդյունք է գրանցել իշխանությունը Սյունիքից:

«Նրանց համար Սյունիքը սկզբունքային հարց էր և այնտեղ ուզում էին հաղթանակ  տանել, տվյալներ կան, որ Էջմիածինից զինվորները գնացել են Մեղրի, որպեսզի քվեարկեն և նույն զինվորները քվեարկել են մի քանի ընտրատարածքներում: Սրանք քննության առարկա են և մենք խախտումները հավաքագրում ենք, որպեզսի դիմենք և՛ ԿԸՀ-ը, և՛ ՍԴ»:

Մանրամասները՝ տեսանյութում
Ավելին․․․
Աղբյուր