ՅՈՒՆԵՍԿՕ-ն առաջարկել է Մեծ արգելախութը ներառել վտանգի տակ գտնվող համաշխարհային ժառանգության օբյեկտների ցանկում․ Ավստրալիան դեմ է
ՅՈՒՆԵՍԿՕ-ն՝ Միավորված ազգերի կրթական, գիտական և մշակութային կազմակերպությունը հայտնել է, որ Կորալյան ծովում գտնվող Մեծ արգելախութը պետք է ներառվի այն համաշխարհային ժառանգության օբյեկտների ցանկում, որոնք «վտանգի տակ են»՝ կլիմայի փոփոխության պատճառած վնասների հետևանքով, հայտնում է BBC լրատվականը։
ՄԱԿ-ի մշակութային մարմինը նշել է, որ Մեծ արգելախութին վերաբերող հարցերը պետք է ընդգրկվեն հաջորդ ամիս կայանալիք հանդիպման օրակարգում, և Ավստրալիային հորդորել է գլոբալ տաքացման դեմ պայքարում «արագացված գործողություններ» ձեռնարկել, ինչին ի պատասխան Ավստրալիայի կառավարությունն ասել է, որ կտրականապես դեմ կլինի առաջարկությանը։
Հայտնի է, որ վառելիքի հանածոների շուրջ վեճը ՅՈՒՆԵՍԿՕ-ի և պաշտոնական Կանբերրայի միջև առկա է 2017 թվականից։ Գիտականները նշել են, որ վնասները տեղի են ունեցել վառելիքի այրման պատճառով ջրի տաքացման հետևանքով։
ՄԱԿ-ի կոչերին ի պատասխան ավստրալական կողմը նշել է, որ աշխարհում 83 բնական համաշխարհային ժառանգություն բախվում է կլիմայի փոփոխության սպառնալիքներին, ուստի արդար չէ Ավստրալիան առանձնացնելը։
Մեծ արգելախութը վտանգի տակ գտնվող համաշխարհային ժառանգության օբյեկտների ցանկում ներառելը կարող է նպաստել հարցի լուծմանն ուղղված գումարների հատկացմանը, սակայն միևնույն ժամանակ կարող է վնաս հասցնել զբոսաշրջության ոլորտին, որն Ավստրալիայում հազարավոր աշխատատեղեր է ստեղծում:
Ներկայում ՅՈՒՆԵՍԿՕ-ում նախագահում է Չինաստանը, և տեղեկություններ կան այն մասին, որ Պեկինի և Կանբերրայի միջև երկարատև լարվածությունը կարող է ազդել որոշման վրա:
Մեծ արգելախութը կորալյան խութերի և կղզիների խումբ է Կորալյան ծովում` Քվինսլենդի ափերի մոտ (Ավստրալիա)։ Կորալյան խութերի` աշխարհում ամենամեծ համակարգն է` բաղկացած 2.900 առանձին խութերից և 900 կղզիներից։ Ձգվում է Ավստրալիայի հյուսիսարևելյան ափի երկայնքով շուրջ 2300 կմ (1.400 մղոն)։
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Это, кроме вреда, ничего не дает: «Паст»
