Եղել են դեպքեր, որ միայն պահանջելուց հետո են քաղաքացիներին տրամադրել 6-րդ քվեաթերթիկը․ շարունակում ենք ստանալ ահազանգեր՝ պաշտոնատար անձանց կողմից ուղղորդումների ու ճնշումների վերաբերյալ․ Սոս Հակոբյան
Մենք արդեն ներկայացրել ենք այն զանգվածային ընտրախախտումները, որոնք տեղի են ունենում այսօր վաղ առավոտից։ Այս ընտրություններն այդ առումով ուղղակի աննախադեպ են։ Այս մասին «Պատիվ ունեմ» դաշինքի մամուլի ասուլիսին հայտարարեց դաշինքի մամուլի պատասխանատու Սոս Հակոբյանը։
Նա ներկայացրեց «Պատիվ ունեմ» դաշինքի հայտարարությունը ընտրությունների ընթացքի վերաբերյալ․
««Պատիվ ունեմ» դաշինքն արձանագրում է, որ հատկապես վերջին 48 ժամվա ընթացքում ժամանակավոր իշխանությունները լծվել են առաջատար քաղաքական ուժերի՝ «Պատիվ ունեմ» դաշինքի թեկնածուների և աջակիցների դեմ բռնաճնշումներ իրականացնելու անպատվաբեր գործին։ Իրականացվել են ակնհայտ ապօրինի խուզարկություններ և ձերբակալություններ, որոնց մեծ մասը դատական ատյաններն արդեն չեղարկել են։ Ժամը 15։45-ի դրությամբ գերազանցապես մարզային ընտրատեղամասերից շարունակում ենք ստանալ բազմաթիվ ահազանգեր՝ տեղերում պաշտոնատար անձանց կողմից ուղղորդումների ու ճնշումների վերաբերյալ»,-ասաց նա, ապա հավելեց․
«Հատկապես ցավով ենք տեղեկանում մեր զինծառայողների՝ շարքայիններից մինչև սպայակազմ, կապիտուլյանտ իշխանությունների կողմից կիրառվող, կազմակերպված ճնշման համատարած դեպքերի մասին»,-ասաց Հակոբյանը՝ ընդգծելով, որ ընտրությունների օրինական ընթացքը խաթարող անձինք չպետք է կասկածեն, որ իրենց գործողությունները պատժվելու են օրենքի ողջ խստությամբ։
Քվեաթերթիկների վրա ավելորդ նշումների խնդիրը, Հակոբյանի խոսքով, դեռևս լուծված չէ, շարունակվում են արձանագրվել խախտումներ։ «Եղել են դեպքեր, որ միայն պահանջելուց հետո են քաղաքացիներին տրամադրել 6-րդ քվեաթերթիկը»,-ասաց նա։
Ավելին․․․
Աղբյուր
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
