«Չորս տարում վերջնական լուծում տալ տասնամյակների կուտակված բոլոր խնդիրներին, հնարավոր չէ ու դա բոլորը լավ գիտեն, քանի որ քաղաքային տնտեսությունը». Տարոն Մարգարյանը շենգավիթի բնակիչների հետ հանդիպմանը
ՀՀԿ նախընտրական ցուցակը գլխավորող Տարոն Մարգարյանը Երևանի ավագանու ընտրությունների քարոզարշավի շրջանակում ՀՀԿ ավագանու թեկնածուների հետ միասին նախընտրական հանդիպումներ է ունեցել Շենգավիթ վարչական շրջանի բնակիչների հետ: Բակային հանդիպումների ժամանակ Տարոն Մարգարյանը նախ ամփոփել է անցած տարիների ընթացքում կատարած աշխատանքները՝ ընդգծելով, որ այն, ինչն արվեց այս տարիների ընթացքում, բնակիչների աչքի առաջ էր և նրանք համոզվեցին, որ այս թիմի համար Երևանի համաչափ զարգացումը՝ որպես գերակա սկզբունք, դրված է ներկայացված բոլոր ծրագրերի հիմքում:
«Համաչափ զարգացում ապահովվելու արդյունքում է, որ Երևանի բոլոր վարչական շրջաններում կարողացանք բարեկարգել հազարավոր բակեր, կառուցել նոր խաղահրապարակներ, նորոգել բազմաբնակարան շենքերի տանիքներ ու մուտքեր, պատշաճ պայմաններ ապահովել կրթական և մշակութային հաստատություններում: Քաղաքային տնտեսության կառավարման մեր բոլոր ծրագրերի հիմքում համաչափ զարգացման սկզբունքն է Եվ էլի շատ ծրագրեր, որոնք մեծ ոգևորությամբ են ընդունվել մեր բնակիչների կողմից, որոշակիորեն բարելավել են մեր համաքաղաքացիների առօրյա միջավայրն ու արժանացել են նրանց գնահատանքին: Եվ որքան էլ որ ոմանք այսօր փորձում ենք չտեսնել կատարված հսկայածավալ աշխատանքներն ու իրականացված ծրագրերը, միևնույն է, դրանք կա՛ն և այսօր էլ լիարժե՛ք ծառայում են մեր բնակիչներին»,- նշել է Տարոն Մարգարյանը:
Չնայած այս տարիների ընթացքում թիմի կատարած մեծածավալ աշխատանքներին, Երևանի գործող քաղաքապետը նկատել է, որ Երևանում դեռ կան խնդիրներ որոնք լուծումներ են պահանջում: Տարոն Մարգարյանը նաև վստահեցրել է, որ բնակիչների առաջարկությամբ դրանք ևս ընդգրկվել են Երևանի առաջիկա տարիների զարգացումն ապահովող Հանուն Երևանի ծրագրում:
«Չորս տարում վերջնական լուծում տալ տասնամյակների կուտակված բոլոր խնդիրներին, հնարավոր չէ՛ ու դա բոլորը լա՛վ գիտեն: Այս տարիների ընթացքում, վստա՛հ եմ, դուք համոզվեցիք որ, մերը գո՛րծն է, որի ականատեսն ու, հաճախ նաև անմիջական մասնակիցը, հենց դու՛ք եք, սիրելի համաքաղաքացիներ: Բազում առիթներ ունեցել եք նաև համոզվելու, որ ես և իմ թիմը ունե՛նք բավարար կամք և վճռականություն՝ հաղթահարելու դժվարություններն ու կյանքի կոչելու հավակնոտ ծրագրեր»:
Երևանի զարգացման առաջիկա 5 տարիների ծրագրով առաջիններից մեկը լուծում է տրվելու բազմաբնակարան շենքերի արդյունավետ կառավարման հետ կապված խնդրին, էրեբունցիներին ներկայացնելով նախընտրական ծրագրի դրույթները՝ նշել է Երևանի գործող քաղաքապետ, ՀՀԿ նախընտրական ցուցակը գլխավորող Տարոն Մարգարյանն ու հավելել, որ թիմն արդեն նախաձեռնել է օրենսդրական փոփոխություններ, որի արդյունքում կներդրվի համատիրությունների նոր մոդել, որով կսահմանվեն բոլոր կողմերի պարտականություններն ու պարտավորությունները, ինչն իր հերթին կբերի արդյունավետ կառավարման:
«Այս տարիների ընթացքում մեզ համար առաջնահերթը եղել ու շարունակում է մնալ մեր բնակիչների արժանապատիվ կյանքի համար անհրաժեշտ պայմանների ստեղծումն ու ապահովումը: Եվ համոզվա՛ծ եղեք, որ մեր թիմը պատրա՛ստ է շարունակել օր ու գիշեր ծառայել ձեզ: Դրա համար եկել ենք խնդրենք, որ մայիսի 14-ին ձեր վստահության քվեն տաք փորձառու՛ և բանիմա՛ց թիմին, նրանց, ովքեր լա՛վ գիտեն ձեզ հուզող խնդիրներն ու մի՛շտ են ձեր կողքին: Վստահեք ա՛յն թիմին, որը ձե՛ր խորհուրդներով, ձե՛ր աջակցությամբ և ձե՛զ հետ միասին այս տարիների ընթացքում ապահովել է Երևանի զարգացումը»:
Շարունակելով առաջնորդվել մայրաքաղաքի համաչափ զարգացման սկզբունքով, Հանուն Երևանի կարգախոսով հանդես եկող Տարոն Մարգարյանի գլխավորած թիմը առաջիկա 5 տարիներին կապահովի նաև բոլոր այն ծրագրերի շարունակականությունը, որոնք մեծ ոգևորությամբ են ընդունվել երևանցիների կողմից ու նպաստել են բոլոր բնակիչների համար հարմարավետ ու բարեկարգ պայմաններ ապահովելուն:
Кому и за что благодарен Пашинян?... «Паст»
Что происходит, когда одного человека нет в Армении? «Паст»
Уже открыто признают, что цель - разрушить Церковь: «Паст»
Делегация штаб-квартиры МККК в Женеве посетила удерживаемых в Баку армян
Новый год, старые лживые утверждения: куда движется Армения? «Паст»
Операция архиепископа Микаела Аджапахяна отложена на неопределенный срок
Пианисты из программы «Наши виртуозы» фонда «Музыка для будущего» выступали на одной сцене с итальян...
В конце года правительство занято «соскабливанием» денег: «Паст»
Юнибанк завершил размещение бессрочных облигаций раньше срока
Сотрудничество между фондом «Музыка во имя будущего» и «Барур» - во имя распространения армянской му...
