Սա ոչ թե արտահերթ ընտրություն է, այլ հանրաքվե, որում դրված է Հայաստանի գոյության հարցը, և Փաշինյանի խունտային ձայն տվողները պետությանը «ոչ» են ասելու. Սերժ Սրապիոնյան (տեսանյութ)
Փաշինյանի ցուցադրած մուրճը, այն եռագույնով զարդարելը պատահական չէ, սա հստակ ծրագիր է, որով նա արտաքին լսարանին խոստանում է լինել նույնքան հավատարիմ, որքան պատերազմում, դրանով նա ակնարկում է, որ ինքը պատրաստ է Հայաստանը տանել կործանման. սա ոչ թե արտահերթ ընտրություն է, այլ հանրաքվե, որում դրված է հետևյալ հարցը՝ ուզո՞ւմ եք, որ Հայաստանը գոյություն ունենա, այս գոյանքին ձայն տվողներն ուզում են, որ Հայաստանը գոյություն չունենա: «Արմնյուզ» ՀԸ «#ՕրաԽնդիր» հաղորդման ժամանակ նման կարծիք է հայտնել բանասիրական գիտությունների թեկնածու, դոցենտ, գրականագետ Սերժ Սրապիոնյանը:
«Բոլոր այն հայերը, որոնք ուզում են, որ գոյություն ունենա հայկական պետություն, պիտի գնան տեղամաս և «ոչ» ասեն այս հակազգային երևույթին, այս խունտային, փրկվեն ողբերգությունից: Այս երևույթը Շուշին հորջորջում էր դժբախտ և դժգույն, իսկ երեկ Էրդողանն այնտեղ էր: Փաշինյանի անբնական ճղճղոցներն ու սպառնալիքներն ուղղված էին գիտնականներին, հոգևորականներին, էլիտային, ՀՅԴ-ին, որոնց նկատմամբ մոլեռանդ ատելություն ունեն մեկ էլ թուրքերը: Եթե ոչ համացանցային կապով, ապա ձայնային կապով նա փորձում էր իր տերերին հավատարմությունը ցույց տալ»,- ասել է գրականագետը:
Ըստ Սրապիոնյանի՝ նրանք, ովքեր Փաշինյանին են աջակցում, ուղեղային կանգի մեջ են, այդ փոքրաթիվ ուղեղները վերագործարկման կարիք ունեն. «Երեք տարի շարունակ թունավոր, հակահայ գաղափարաբանություն է ներարկվել, բայց մարդիկ զանգվածաբար վերադառնում են իրենց նախկին դիրքերին: Իշխանությունը բռնազավթած օտարերկրյա գործակալներին քիչ ժամանակ է մնացել: Պատահական չէ Նիկոլի անթաքույց ատելությունը Քոչարյանի նկատմամբ, եթե այն կեղտաջուրը, որը փորձեցին լցնել Քոչարյանի գլխին, ճիշտ լիներ, նա կես վայրկյան կդիմանա՞ր ու դուրս կգա՞ր այդ աղետի միջից: Բոլոր սուտ մեղադրանքները հօդս ցնդեցին, այսօր նա երկրորդ անգամ փորձում է երկիրը խոր անդունդից հանել»:
Մտավորականի կարծիքով՝ անտարբերությունը մեծ մեղք է, և մենք պարտավոր էինք ազգովի ճանաչել Փաշինյանին ու չբերել իշխանության. «Մարդկանց ձայնը լսելի չէր համաժողովրդական փսիխոզի օրերին: Անգամ գերմանացի ազգն ընկավ Հիտլերի ուռկանը, հայ ժողովուրդը չէր կարող այս հստակ գծված սարդոստայնի մեջ չընկնել, այլ բան է դրանից հմտորեն դուրս գալը: Առաջին հարվածը նախապատրաստվել էր դեռևս 2018-ից առաջ, երբ Թուրքիայում գրվում էին հայոց պատմության, լեզվի և գրականության դասագրքերը: Երկրորդ հարվածն ուղղվեց եկեղեցուն և Վեհափառին: Առաքելական եկեղեցու դերակատարումը թուրքերը մեզնից լավ գիտեն: Երրորդ հարվածն էլ էլիտաների, գիտնականների դեմ էր»:
Դոցենտի պնդմամբ՝ այս իշխանության կեցության հիմնական կերպը ստելն է, դեմագոգիան: «Բոլորին մեղադրում են թալանչի լինելու մեջ, բայց իրենք ոչ թե որոճալով, այլ կուլ տալով են օգտվում այդ ամենից, քանի դեռ հնարավորություն ունեն: Ես չեմ հիշում երբևէ նման ցինիկ թալան մեր պատմության մեջ՝ սկսած առաջին նախագահից: Նրանք, ովքեր որևէ մեկին պատրաստ չեն ձայն տալ, դա մեծ փարիսեցիություն է հայ ժողովրդի նկատմամբ: Թող տեսնեն, թե ինչպես են Ալիևն ու Էրդողանը մատնացույց անում Ստեփանակերտը: Նիկոլին ընտրողները թող հիշեն, որ վաղը Երևանում՝ Նորքի բարձունքում, մատնացույց են անելու Էրդողանի տունը»,- ամփոփել է Սերժ Սրապիոնյանը:
Դավիթ Սարգսյան
Աղբյուր
Ավելին․․․
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Геноцидоведы: увольнение директора Музея-института Геноцида армян — тревожный сигнал для ученых по в...
Когда дети становятся частью пропаганды: «невинный разговор» или?... «Паст»
