Ադրբեջանը քաղաքական աճուրդի է հանել մեր ռազմագերիներին, իսկ ՀՀ իշխանությունները նրանց վերադարձի հարցում ստերով խճճել են գերտերություններին․ Նաիրա Զոհրաբյան
Ադրբեջանը շարունակում է քաղաքական պատանդի կարգավիճակով պահել մեր ռազմագերիներին, քաղաքական աճուրդի է հանել նրանց՝ Հայաստանի իշխանություններից նոր զիջումներ կորզելու համար արդեն նաև ՀՀ սուվերեն տարածքի հաշվին։ Այս մասին Tert.am-ի հետ զրույցում ասաց Ազգային ժողովի պատգամավոր Նաիրա Զոհրաբյանը։
Նրա դիտարկմամբ՝ այս իշխանությունները խճճել և խառնել են, գերիների վերադարձի հարցը ստերով, ինչ-ինչ ենթադրյալ պայմանավորվածություններով, ըստ նրա՝ այս հարցում ստերի պատճառով խճճել են նաև գերտերություններին։ Նաիրա Զոհրաբյանը հիշեցրեց, որ Ադրբեջանի ԱԳ նախարար Ջեյհուն Բայրամովը գերիների հարցի կարգավորման հետ կապված ենթատեքստով այն ներկայացրել է տարածքային ամբողջականության և սահմանների անխախտելիության սկզբունքի ճանաչման շրջանակներում։
«Այսինքն՝ Հայաստանը ճանաչի, որ Ադրբեջանի կողմից գրավյալ Արցախի 75 տոկոսը ադրբեջանական տարածք է, իրենց արտաքին գերատեսչությունը ինչ-ինչ բացահայտ նկրտումներ ունի Հայաստանի սուվերեն տարածքի նկատմամբ, դա վերաբերում է Տիգրանաշենին, Տավուշի անկլավին, Սև լճի Խոզնավարի հատվածին, Վարդենիս-Սոթք վերնամասի որոշակի հատվածին։ Հայաստանի իշխանություններն արդեն բացահայտ հայտարարում են, որ դրանք ադրբեջանական տարածքներ են եղել, ավելին Հ1-ը ռեպորտաժ է պատրաստում Տիգրանաշենի ադրբեջանական լինելու մասին, իսկ իշխանության քավորի եղբայրը՝ Վահե Ղալումյանը, Տավուշի մարզի գյուղերի վերաբերյալ խոսում է նույն լեքսիկոնով, ինչ խոսում էր Նիկոլը Շուշիի մասին, ասում է՝ դե ինչ է, որ անմարդաբնակ դատարկ, ադրբեջանական գյուղեր են»,- ասաց նա։
Նաիրա Զոհրաբյանը հիշեցրեց նաև Նիկոլ Փաշինյանի հայտարարությունն այն մասին, թե ինչ կապ ունի Արարատի ու Նախիջևանի կամ Ջերմուկի ու Ադրբեջանի սահմանը որտեղով է անցնում։ Ըստ նրա՝ նշված բոլոր հայտարարությունները թույլ են տալիս ենթադրել ինչ-որ պայմանավորվածությունների մասին։
«Երբ Նիկոլը կանգնում ասում է՝ ի՞նչ տարբերություն Ջերմուկի և Ադրբեջանի սահմանը որտեղով է անցնում, ես իրեն հորդորում եմ Ադրբեջանի սահմանն անցկացնել իր տնով, կտեսնենք տարբերությունը հասկանո՞ւմ է, թե ոչ»,- ասաց նա։
Նաիրա Զոհրաբյանը նշեց նաև, որ երկու օր առաջ ռազմագերիների հարազատները, ծնողները հանդիպել են ԱԺ նախագահ Արարատ Միրզոյանի հետ, ծնողների պահանջով հանդիպմանն ինքն էլ է ներկա եղել։
Ավելին․․․
Тотально используя административный ресурс, он «ненавидит» административный ресурс? «Паст»
Великая Победа и великий подвиг армянского народа. Арман Варданян
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
