Նախարարը ներողություն խնդրեց զինվորների մարմինները ոչ պատշաճ պահելու համար, բայց սա խոսում է այն մասին, որ առողջապահության ոլորտում բավականին խորը կոլապս կա. Արմեն Մխիթարյան
Նախարարը ներողություն խնդրեց, բայց ցավոք, մեկ անգամ ևս վերապրեցինք այն, ինչն ապրել էինք պատերազմի ժամանակ, էլ չեմ ասում ծնողների ծանր հոգեվիճակը: Սա խոսում է միայն մի բանի մասին՝ առողջապահության ոլորտում բավականին խորը կոլապսի և լուրջ բարեփոխումների կարիքի մասին: Այս իրավիճակը պետք է ավելի շուտ փոխեինք, բայց գոնե հիմա իրավիճակի իրավական դաշտը պետք է կարողանանք կարգավորել, որովհետև այս պատերազմական իրավիճակը դատաբժշկական փորքաննության գործունեությունը չի կարող միայն իր վրա վերցնել և ստանձնել դիակների և մասունքների պահպանման աշխատանքը: Ախտաբանների մեծ խումբ պետք է միանա և աշխատի նրանց հետ:
Այս մասին այսօր Tert.am-ի հետ զրույցում ասաց Երևանի գլխավոր ախտաբան, ախտաբանների ասոցացիայի նախագահ Արմեն Մխիթարյանը՝ անդրադառնալով օրերս հրապարակված այն լուսանկարներին և տեսանյութերին, որտեղ երևում է, թե ինչպես են Արցախում զոհված զինծառայողների մարմինները պահվում տոպրակի մեջ, ոչ պատշաճ վայրում:
Մխիթարյանի խոսքով՝ ստեղծված իրավիճակը բարդ և մտահոգող է, բայց նա նշեց, որ պետք է հաշվի առնենք՝ խնդիրը շատ խորքային է և տարիներ շարունակ դիահերձարանների վիճակը անմխիթար է եղել: «Տարիներ առաջ, երբ դիահերձարաններից մեկում առնետը դիակը վնասել էր, նախարարությունը պարտավորվածություն ստանձնեց, թե դիահերձարանները կարգի կբերվեն, կվերանորոգվեն, բայց ոչինչ չարվեց և այս բնագավառում ոչինչ էլ չի արվել»:
Ախտաբանի խոսքով՝ այս ամենի ամենակարևոր պատճառն այն է, որ պատերազմի ժամանակ և պատերազմից հետո քաոսային իրավիճակ էր և այս առումով որևէ համակարգված գործողություն չի եղել: «Սառնարաններ ոչ բոլոր դիահերձարաններում կան, բայց այս պահին, եթե խոսքը մեր զոհված զինվորների մասունքների մասին է, պետք է նկատենք այն, որ բացթողման առումով օրենսդրական դաշտը դեռ կարգավորված չէ: Խնդիրն այն է, որ ՀՀ օրենքի համաձայն՝ բռնի և պատերազմական իրավիճակում մահացած մարդիկ պետք է ենթարկվեն դատաբժշկական փորձաքննության և այստեղ անատոմիական ծառայությունը կարծես թե դուրս է մնում այս դաշտից:
Սա բավականին լուրջ խնդիր բերեց դեռ Արցախում, հենց կռվի ժամանակ, երբ դատաբժիշկները հավաքվեցին ու Արցախ գնացին, դատաբժիշկներն այդքան էլ շատ չեն, և կոլապսային իրավիճակ ունեցանք այնտեղ, որովհետև այն քանակությունը դիակների և անճանաչելի մարմինների, որոնք մարտի դաշտից գալիս էին և հասնում էին Ստեփանակերտի ոչ այդքան լավ կահավորված դատաբժշկական կենտրոն, սառնարանները ոչ մի կերպ չէին կարող բավարարել դիերի և մասունքների ճիշտ և պատշաճ պահպանման համար, սա պատկերն էր հենց առաջին օրվանից, իրականում, այսօր տեղի ունեցողն արձագանքում է ամիսներ առաջ տեղի ունեցած բացթողումներին»,-ասաց նա:
Մխիթարյանն ասաց, որ այս հարցով արդեն խոսել է ԱՀ առողջապահության նախարարի հետ և առաջարկել է, որպեսզի այս դաշտում փոփոխություններ արվեն և խնդիրը հասցնեն այն կետին, երբ մասունքից կամ դիակից առանց որևէ խնդրի միայն ԴՆԹ կվերցնեն: «Մեր իրավական դաշտը շատ խրթին է այս հարցով և թույլ չի տալիս, որ համագործակցելով իրավիճակը հսկվի: Ոլորտը հենց վերևից պետք շտկվի, պետք է լուրջ հետևություններ արվեն և ի վերջո, ասողին լսող է պետք»,-ասաց նա և նշեց, որ համակարգը կառավարող օղակը հենց գլխավոր մասից խնդիրների մեջ է, կան մարդիկ, որոնք տարաձայնություններ ունեն իրար հետ և սա բերում է այս խնդրին, երբ տեսնում ենք դաժան տեսարաններ և չենք հասկանում, թե պատասխանատվությունն ով է կրելու:
Ավելին․․․
Հեղինակ Լիաննա Թորոսյան
Тотально используя административный ресурс, он «ненавидит» административный ресурс? «Паст»
Великая Победа и великий подвиг армянского народа. Арман Варданян
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
