«Հայրս թաքուն բացել էր դագաղն ու տեսել Քյարամին էդ վիճակում». հրաժեշտ տվեցին հերոսի հորը
Ապրիլյան պատերազմի հերոս, ազգությամբ եզդի Քյարամ Սլոյանի հայրը՝ Քյալաշ Սլոյանը, որդու կորստյան վշտից մահացավ։ Սա միաբերան պնդում էին Քյալաշ Սլոյանի հուղարավորությանը մասնակցող հարազատներն ու համագյուղացիները։ Նա որդուն կորցնելուց հետու երկու անգամ սրտի կաթված է ստացել, պարբերաբար բուժում է ստացել հիվանդանոցում, սակայն անօգուտ։
Առողջական վիճակը վերջնականապես վատթարացել է Քյարամի ծննդյան օրը՝ ապրիլի 27–ին։ Նրան տեղափոխել են հիվանդանոց, որտեղ էլ երկու օր անց մահացել է։ Քյալաշ Սլոյանի համագյուղացի Միկիտան Հովսեփյան NEWS.am–ի հետ զրույցում ասաց, որ Քյալաշ Սլոյանի կյանքն իմաստազրկվել էր որդուց հետո եւ միակ ցանկությունը որդու մոտ հասնելն էր։
«Տղայից հետո սկսեց վատանալ, չէր սնվում, հյուծվում էր, ապրուստն էլ կար, ամեն ինչն էլ կար։ Որ գնաց զորամաս ու վերադարձավ զորամասից ավելի ծանրացավ։ Տղայից հետո երկու անգամ կաթված է ստացել, շատ շատ տանջվեց կարելի է ասել՝ ինքն իրան տարավ ինքնասպանության, որ հասներ տղային։ Մի շաբաթ առաջ տեսա, ամոթանք տվեցի, ասեցի՝ ես էլ քեզ նման զավակ եմ կորցրել, իմ կինը չդիմացավ, բայց ես համբրում եմ, դու ինչի չես համբերում, բայց ասեց՝ ես պիտի գնամ իմ տղի մոտ ու տենց էլ արավ»։
Քյարամի եղբայր Համիկ Սլոյանն էլ նշեց, թե հայրը հոգեպես ավելի ծանր վիճակում է հայտնվել, երբ որդու դին տեսել է գլխատված վիճակում։
«Ախպորս դեպքից հետո առողջությունը հետ էր գնում... Հայրս թաքուն բացել էր դագաղն ու տեսել Քյարամին էդ վիճակում, ինչից հետո հայտնվել էր ծանր վիճակի մեջ։ Ինքը նպատակ ուներ՝ գնար հասներ Քյարամին ու հենց ծնունդի օրն էլ վատացավ, տարանք հիվանդանոց, երկու օր հետո մահացավ.... Մեր աչքին էլ ոչինչ չի երեւում մի տարի ոչ նորմալ ժպիտ, ոչ ուրախություն»։
Հիշեցնենք, որ Քյարամ Սլոյանը զոհվել էր ապրիլյան պատերազմում, նրան ադրբեջանցի զինվորները սպանել եւ գլխատել էին, ապա «հաղթական ավարով» լուսանկարվել։ա
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Армении придётся сделать выбор между ЕС и ЕАЭС: Андрей Климов
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
