Մենք իզո՞ւր էինք պաշտպանում Օմարը, որ ձյուն էր․ Սև լիճն էլ 30% է, թե 1, հայրենիք է․ եթե 30%-ը զիջենք, վաղը Սևանն էլ չենք պահի, Երևանն էլ․ պահեստազորի գնդապետը՝ Փաշինյանի հայտարարությունների մասին
Նիկոլ Փաշինյանն իր բացթողումները, դավաճանական վարքն արդարացնելու համար ամեն ինչ կարող է ասել․ ի՞նչ է նշանակում՝ սարի վրա տարվա կեսը ձյուն է․ նա չի՞ հասկանում, որ դրանք ռազմավարական նշանակություն ունեցող բարձունքներ են, որոնց կորուստը կբերի նաև այլ տարածքների կորստի։ Դասալիքը, վախկոտը, դավաճանը այլ կերպ չէր կարող արտահայտվել։ Այս մասին Tert.am-ի հետ զրույցում ասաց պահեստազորի գնդապետ Արտաշես Մխիթարյանը՝ անդրադառնալով Նիկոլ Փաշինյանի այն հայտարարությանը, թե «էդ սարի ծերին, որտեղ տարվա կեսը ձյուն ա, ինչների՞ս ա պետք զինվոր»։
«Նա չի հասկանում, որ կարևոր ու անկարևոր տարածքներ չկան։ Մենք ազգաբնակչության անվտանգությունն ենք ապահովում, ոչ թե ինչ-որ ամայի տարածքներ․ հենց այդ ամայի տարածքները պահպանելով՝ պահպանում ենք մեր պետության անվտանգությունը։ Մենք իզու՞ր էինք պաշտպանում Օմարը, իզու՞ր ենք պաշտպանում Գյամիշը․ եթե Գյամիշը չպահենք, կկորցնենք Մարտակերտը։ Նա չի հասկանում՝ ինչ է ասում»,-ասաց Մխիթարյանը։
Ըստ նրա՝ Փաշինյանն այդ հայտարարությամբ նաև փորձում է հաճոյանալ զինծառայողների ծնողներին․ «Այդպես է անում, որ հետո ծնողներն ասեն՝ «տարվա 6 ամիսը ձյուն է այդ տարածքում, ինչո՞ւ եք մեր երեխային տանում այնտեղ՝ դիրք պահելու»։ Նա շատ անելանելի վիճակում է, գիտի, որ չի վերարտադրվելու, ու նման քայլեր է անում»,-ասաց Մխիթարյանը՝ ընդգծելով, թե Փաշինյանն ինչքան էլ հոխորտա, միևնույն է՝ նույն կապիտուլյանտն է։
«Նա ընդհանրապես ռազմավարական մտածողություն չունի, չի հասկանում՝ ինչ է ռազմավարությունը, ինչ է մարտավարությունը, չի կարողանում տարբերվել։ Իրեն հորջորջում է «գերագույն հրամանատար», բայց ոչինչ չգիտի»,-ասաց պահեստազորի գնդապետը՝ նշելով նաև, թե անհրաժեշտ է դիտարկել նաև իշխանության վերջին 3 տարվա գործելակերպը։
«Երեք տարի առաջ Սասուն Միքայելյանը հայտարարեց, թե իշխանափոխությունն ավելի մեծ արժեք էր, քան Արցախյան ազատամարտը, Աննա Հակոբյանը հայտարարեց, թե զենքը պետք է զարդի վերածել, թե մեր զինվորները զոհվել են հանուն ոչնչի, այդ ժամանակ սկսեցին քայքայել ամեն ինչ՝ նախապատրաստելով այսօրվան։ Հիմա էլ կասեն, թե այս պատերազմին 5000 տղաներն էլ հանուն ոչնչի զոհվեցին»,-ասաց նա՝ հավելելով, որ ՀՀ մասին մտածող մարդը երբևէ չէր լինի այս իշխանության թիմում։
Անդրադառնալով Նիկոլ Փաշինյանի մեկ այլ հայտարարությանը, թե «Սև լճի 30 տոկոսի համար պատերազմ չենք անի», Մխիթարյանն ասաց․
«30 տոկոս է, թե 1 տոկոս, հայրենիք է, իսկ հայրենիքի ամեն թիզ հող նվիական է, և չպետք է վարանել նույնիսկ պատերազմ սկսել։ Ես չեմ ասում՝ հենց այսօր պատերազմ սկսենք, որովհետև 3 տարիների ընթացքում իր արած ավերի պատճառով չենք կարողանա դիմակայել, բայց պետք է պատրաստ լինենք դրան։ Պետք է ոչ թե վախվորած ասենք՝ չենք սկսի պատերազմ, այլ ամեն ինչ անենք, որ գործը դրան չհասնի, իսկ անհրաժեշտության դեպքում նույնիսկ 1 մետրի համար պետք է կռիվ տալ, դա հայրենիքի կորուստ է նշանակում։ Եթե մենք 30 տոկոսը զիջենք, վաղը Սևանն էլ չենք կարողանա պահել, Երևանն էլ չենք կարողանա պահել, և կկորցնենք ընդհանրապես ամեն ինչ»,-ասաց Մխիթարյանը։
Դիտարկմանը, թե 2 շաբաթից ավելի է՝ ադրբեջանական զորքը ՀՀ սուվերեն տարածքում է, և հարցին՝ ինչու՞ ենք մենք մեր տարածքում բանակցում նրանց հետ, պահեստազորի գնդապետն արձագանքեց, որ դա ՀՀ ռազմաքաղաքական ղեկավարության թուլամորթության, վախկոտության, դավաճանական կեցվածքի հետևանքն է։
«Եթե հրաման են տալիս չկրակել, ապա նրանք այդպես մետր-մետր առաջ կգան։ Ես մեղադրում եմ նաև ռազմական ղեկավարությանը։ Նիկոլի չափ դավաճանական կեցվածք է ընդունել նաև ՊՆ-ն, միայն հայտարարություններով չէ, ոչ թե խոսել, այլ գործել է պետք»,-ասաց Արտաշես Մխիթարյանը։
Сегодня день рождения Генрика Кочаряна, героически защищавшего границы Родины на подступах к селу Те...
Кому и почему мешает название «Арарат 73»? «Паст»
Вопрос о лишении их сана должен быть решен немедленно: «Паст»
Известные политики и эксперты обсудили новые вызовы безопасности Армении. Новый уникальный интеракти...
«Если ты не можешь защитить границы своей страны — не перекладывай эту проблему на других»: Айк Наап...
«Европа не придёт нас спасать»: Арман Гукасян о реальной политике
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
Для чего нужны представления с названием «литургия»? «Паст»
В администрации Трампа впервые признали, что иммиграционные агенты, «возможно, нарушили протокол» в ...
